شەرزات سوتى: سوتتالۋشىلاردىڭ ادۆوكاتتارى پروكۋروردى اۋىستىرۋدى ءوتىندى
تالدىقورعان. KAZINFORM - جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا شەرزات پولاتتىڭ ولىمىنە بايلانىستى سوت وتىرىسى ءوتىپ جاتىر.
بۇگىن سوتتا ايىپتالۋشى دارحان اسكەنتايدان جاۋاپ الىندى. مەملەكەتتىك ايىپتاۋشى دانا سارسەنباي سوتتالۋشىعا بىرنەشە سۇراق قويدى. دەگەنمەن، دارحان اسكەنتايدىڭ قورعاۋشىسى جانە وزگە ايىپتالۋشىلاردىڭ ادۆوكاتتارى پروكۋروردىڭ ءىس-ارەكەتىنە قارسىلىق ءبىلدىردى. ولاردىڭ ايتۋىنشا، مەملەكەتتىك ايىپتاۋشى بۇرمالانعان سۇراقتار قويىپ، ەموتسياعا بەرىلگەن.
پروكۋرور زاڭسىز ءىس-ارەكەت جاساماعانىن جانە سوت وتىرىسىنا قاتىسۋعا باس پروكۋراتۋرانىڭ تاپسىرماسى بار ەكەنىن اتاپ ءوتتى.
جابىرلەنۋشى تاراپتىڭ ادۆوكاتتارى سوتتان بۇل ءوتىنىشتى قاناعاتتاندىرماۋدى ءوتىندى.
سوت شەشىم شىعارۋ ءۇشىن كەڭەسۋ بولمەسىنە كەتتى.
