شەكارا قاۋىپسىزدىگىن قامتاماسىز ەتۋدىڭ 5 جىلدىق كەشەندى جوسپارى ازىرلەندى
2024-2028 -جىلدارعا ارنالعان شەكارا قاۋىپسىزدىگىن قامتاماسىز ەتۋدىڭ كەشەندى جوسپارىنىڭ جوباسى ازىرلەندى.
بۇل تۋرالى ءماجىلىس دەپۋتاتتارىنىڭ ساۋالىنا پرەمەر- ءمينيستردىڭ ءبىرىنشى ورىنباسارى رومان سكلياردىڭ جاۋابىندا ايتىلعان، دەپ حابارلايدى Kazinform.
«بۇگىنگى كۇنى ۇلتتىق قاۋىپسىزدىك كوميتەتىنىڭ شەكارا قىزمەتى پرەزيدەنت اكىمشىلىگىنىڭ تاپسىرماسىنا سايكەس 2024-2028 -جىلدارعا ارنالعان شەكارا قاۋىپسىزدىگىن قامتاماسىز ەتۋدىڭ كەشەندى جوسپارىنىڭ جوباسىن ازىرلەدى. جوسپار جوباسىندا مەملەكەتتىك شەكارانى ينجەنەرلىك- تەحنيكالىق جاراقتاندىرۋ جانە شەكارالىق ينفراقۇرىلىم سالۋ، ءتيىمدى باسقارۋ جۇيەسىن جانە ءموبيلدى دەن قويۋ كۇشتەرىن قالىپتاستىرۋ جونىندەگى كەشەندى شارالار كوزدەلگەن»، - دەپ اتاپ وتەدى ۇكىمەت باسشىسىنىڭ ءبىرىنشى ورىنباسارى جاۋابىندا.
ونىڭ اتاپ وتۋىنشە، اتالعان كەشەندى جوسپاردى ىسكە اسىرۋ شەكارا كەڭىستىگىندەگى قازىرگى زامانعى قاتەرلەر مەن سىن- قاتەرلەرگە توتەپ بەرۋگە قابىلەتتى ۇلتتىق مۇددەلەردى قورعاۋ جۇيەسىن جاڭا دەڭگەيگە شىعارۋعا، سونداي- اق شەكارا ۆەدومستۆوسىنىڭ اسكەري قىزمەتشىلەرىنە قىزمەتى مەن تۇرمىسىنا ءتيىستى جاعدايلار جاساۋعا، مەديتسينالىق قامتاماسىز ەتۋگە جانە الەۋمەتتىك قورعاۋدى ۇسىنۋعا مۇمكىندىك بەرەدى.
«قازىرگى ۋاقىتتا جوسپاردىڭ جوباسى مۇددەلى مەملەكەتتىك ورگانداردا كەلىسىلۋدە»، - دەدى رومان سكليار.
