eGov جۇيەسىندە ۆيرتۋالدى كومەكشى پايدا بولدى
استانا. قازاقپارات - eGov جۇيەسىندە ۆيرتۋالدى كومەكشى پايدا بولدى. ۇكىمەتتىڭ كوشپەلى وتىرىسىندا سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ وسىنداي مالىمەت كەلتىردى.
مينيستر سيفرلىق تەحنولوگيالار حالىقتىڭ ومىرىنە دەندەپ ەنگەنىنەن قاراماستان مەملەكەتتىك قىزمەتتەردى ونلاين الۋدى يگەرە الماي جاتقان قازاقستاندىقتار كوپ ەكەنىن ايتتى. سول ءۇشىن جاساندى زەيىن ارقىلى مەملەكەتتىك قىزمەت الۋشىعا ونلاين كومەكشى جوباسىن ازىرلەگەن.
- سوندىقتان ءبىز مەملەكەتتىك قىزمەتتەردى كورسەتۋدە جاساندى زەيىندى ەنگىزۋ جۇمىستارىن بەلسەندى تۇردە باستاۋ قاجەت دەپ سانايمىز. ازاماتتاردىڭ نەگىزگى تىرشىلىك ارەكەتتەرى تسيفرلاندىرۋمەن قامتىلعانىنا قاراماستان، قوسىمشا كومەكشى رەتىندە ۆيرتۋالدى اسسيستەنتتى ەنگىزۋ قاجەت، - دەدى جاسلان ماديەۆ.
ءمينيستردىڭ سوزىنشە جاساندى زەيىن ءبىلىم بەرۋ سالاسى مەن الەۋمەتتىك باعدارلامالارعا قارقىندى ەنگىزىلىپ جاتىر.
- بۇگىنگى تاڭدا سيفرلىق قۇجاتتار تولىعىمەن فيزيكالىق قۇجاتتارمەن تەڭەستىرىلگەن. ەل ىشىندە ساياحاتتاۋ كەزىندە ازاماتتارعا قۇجاتىن قولعا ۇستاپ ءجۇرۋدىڭ قاجەت جوق. بيىل 200 ميلليوننان استام وسىنداي قىزمەت كورسەتىلدى. ازاماتتارعا «ونلاين نوتاريۋس» قىزمەتى دە كورسەتىلىپ وتىر. ءتىپتى نوتاريۋس قىزمەتتەرىن ەلدەن تىس جەردە وتىرىپ تا الۋعا بولادى. 175 مىڭنان استام وسىندا قىزمەت كورسەتىلدى، - جاسلان ماديەۆ.
سونداي- اق ول جاساندى زەيىن كومەگىمەن 700 مىڭ وقۋشى تەگىن تاماقپەن قامتىلعانىن اتاپ ءوتتى.
- اتا-انالار وقۋشىنىڭ تەگىن تاماق العانىنا جاساندى زەيىن ارقىلى كوز جەتكىزە الادى. تەگىن ءدارى- دارمەكتەردى الۋ قىزمەتىن دە سيفرلاندىردىق. بارلىق مەملەكەتتىك ءدارىحانالار وسى تەحنولوگيامەن قامتىلعان جانە وسى ۆاۋچەر ارقىلى تەگىن ءدارى-دارمەكتەردى الا الادى، - دەدى ۆەدومستۆو باسشىسى.
بۇعان دەيىن مينيستر قازاقستان سپۋتنيگىن يمپورتتاۋعا قىزىعۋشىلىق تانىتقان ەلدەردىڭ قاتارىن گۆينەيا- بيساۋ تولىقتىرۋى مۇمكىن ەكەنىن ايتتى.
