شاردارادا 80 كەلىدەن استام زاڭسىز اۋلانعان بالىق تاركىلەندى
تۇركىستان. KAZINFORM - قازىر سوتقا دەيىنگى تەرگەۋ امالدارى جۇرگىزىلىپ جاتىر.
تابيعاتتى قورعاۋ زاڭناماسىنىڭ بۇزىلۋىن بولدىرماۋ ماقساتىندا جۇرگىزىلگەن رەيد بارىسىندا سۋ قويماسىندا زاڭسىز بالىق اۋلاۋمەن اينالىسقان ادامدار ۇستالدى.
شاردارا اۋدانىنىڭ ەكى تۇرعىنىنان قايىق، 1200 مەتر بالىق اۋلاۋ تورى جانە 80 كەلىدەن استام زاڭسىز اۋلانعان بالىق تاركىلەندى.
- جەدەل-پروفيلاكتيكالىق ءىس-شارا كەزىندە شاردارا اۋدانىنىڭ پوليتسياسى مەن پروكۋراتۋرا قىزمەتكەرلەرى شاردارا سۋ قويماسى ۋچاسكەلەرىنىڭ بىرىنەن زاڭسىز بالىق اۋلاۋ فاكتىسىن انىقتادى. قازىرگى ۋاقىتتا بالىق رەسۋرستارىن زاڭسىز ءوندىرۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. بولعان وقيعانىڭ بارلىق ءمان-جايلارى انىقتالىپ جاتىر. پوليتسەيلەر ازاماتتاردى، تابيعاتتى قورعاۋ زاڭناماسىن ساقتاۋعا شاقىرادى، - دەلىنگەن تۇركىستان وبلىسى پوليسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
ايتا كەتەيىك، بۇدان بۇرىن تۇركىستان وبلىسىندا تۋىستارىن اياۋسىز ولتىرگەن كۇدىكتىلەرگە قاتىستى سوت وتىرىسى باستالعانىن جازعان بولاتىنبىز.
