ۇشاققا ماس كۇيدە وتىرعان ءانشى جاۋاپقا تارتىلدى – ءى ءى م
ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ىشىمدىك ءىشىپ، ۇشاققا وتىرعان ءانشىنىڭ جاۋاپقا تارتىلعانىن ايتتى، دەپ حابارلادى Halyq Uni ءتىلشىسى.
ونىڭ ايتۋىنشا، وقىس وقيعا 18- جەلتوقساندا شىمكەنت قالاسىندا بولعان. ماس ءانشى ۇشاققا وتىرىپ، قوعامدىق ءتارتىپتى بۇزعان.
مۇنداي وقيعا بولعان. 2023-جىلعى 18- جەلتوقساندا شىمكەنت اۋەجايىندا FlyArystan وكىلىنىڭ اكتىسى بويىنشا شىمكەنت-استانا 7308 رەيسىنەن جولاۋشى نۇرىمبەتوۆ (باۋىرجان نۇرىمبەتوۆ) شىعارىلدى. ول 1982-جىلى تۋعان، استانادا تۇرادى. نۇرىمبەتوۆ سەلينوگراد اۋدانىنداعى (اقمولا وبلىسى) مادەنيەت ۇيىندە جۇمىس ىستەيدى. ول ماس كۇيدە قوعامدىق ءتارتىپتى بۇزعان، - دەدى قايسار سۇلتانبايەۆ و ك ق- دا وتكەن باسپا ءسوز ءماسليحاتىندا.
17- قاڭتاردا استانا قالاسى مامانداندىرىلعان اۋدانارالىق سوتىنىڭ قاۋلىسىمەن باۋىرجان نۇرىمبەتوۆ كىنالى دەپ تابىلىپ، وعان 15 ا ە ك (55380 تەڭگە، 1 ا ە ك - 3692 تەڭگە) كولەمىندە ايىپپۇل سالىنعان.
