شامامەن 60 مىڭ شاقىرىم ۇشتى: قازاقستان پرەزيدەنتى بيىل قاي ەلدەرگە باردى
ساراپشىلاردىڭ باسىم كوپشىلىگى قازاقستانعا الەمدىك الپاۋىتتاردىڭ بارىمەن – ا ق ش، قىتاي، ەۋرووداق جانە رەسەيمەن جاقسى ءوزارا قارىم- قاتىناستى ۇستانۋى ماڭىزدى دەپ سانايدى.
جانە دە پرەزيدەنت ۇلىقتاۋ راسىمىنەن كەيىنگى 1 جىلدڭ ىشىندە ولاردىڭ بارىنە بارىپ شىقتى. وسى ورايدا Tengrinews.kz رەداكسياسى قاسىم- جومارت توقايەۆتىڭ 7 جىلدىق مەرزىمىنىڭ العاشقى جىلىنداعى ساپارلارى جايلى جازدى، دەپ حابارلايدى Kazinform.
قازاقستان تۇركى الەمىنىڭ بولشەگى ءارى تۇركى مەملەكەتتەرى ۇيىمى كوشباسشىلارىنىڭ ءبىرى سانالادى. قاسىم- جومارت توقايەۆ ءىرى وڭىرلىك دەرجاۆاعا اينالعان تۇركياعا ەكى رەت باردى. وركەندەپ كەلە جاتقان يسلام الەمى ەلىمىز ءۇشىن تاعى ءبىر باسىمدىق. پرەزيدەنت ءىرى حالىقارالىق ينۆەستور سانالاتىن ساۋد ارابياسى مەن بىرىككەن اراب امىرلىكتەرىنە ساپار جاساپ ۇلگەردى.
پرەزيدەنت سونىمەن قاتار كورشىلەردى دە ەستەن شىعارمايدى. وسى جىلدىڭ ىشىندە تۇرىكمەنستاندى قوسپاعاندا بارلىق ورتالىق ازيا ەلدەرىنە ساپارلادى.
قاسىم- جومارت توقايەۆ 19 ساپارى بارىسىندا 60 مىڭ شاقىرىمعا جۋىق ۇشتى. بۇل جەر شارىن ەكۆاتور بويمەن 1,5 ەسە اينالىپ وتكەنمەن تەڭ. سونىمەن قاتار بۇل 1 ايدان استام ۋاقىت بويى جولدا ءجۇرۋ، ۇنەمى ساعات بەلدەۋىنىڭ اۋىسۋى جانە قازاقستاننىڭ مۇددەسىن نىق قورعاۋ قاجەتتى ونداعان كەزدەسۋلەر دە.
وتكەن ۋاقىتتاعىلارعا قاراعاندا بۇل ساپارلار ءوزارا سيپاتقا يە. بۇل ەلىمىزدىڭ حالىقارالىق جانە پرەزيدەنت قاسىم-جومارت توقايەۆتىڭ جەكە بەدەلىنىڭ مويىندالۋىن بىلدىرەدى.
رەداكسيا سۇراۋ سالعان ساراپشىلار بۇل ساپارلاردىڭ بىرنەشە ناتيجەسىن اتاپ ءوتتى.
بىرىنشىدەن، بۇل - ەلىمىزدىڭ قاۋىپسىزدىگىنىڭ نىعايۋى. قازاقستان قازىرگى ۋاقىتتا گەوساياسي تەكە- تىرەستە تۇرعان ەلدەرمەن دوستىق نەمەسە سەرىكتەستىك قارىم- قاتىناستى ۇستانادى. ا ق ش- پەن ەۋرووداق تا، قىتاي مەن رەسەي دە ەلىمىزبەن تۇراقتى ساسي، ەكونوميكالىق جانە مادەني ىنتىماقتاستىققا مۇددەلى. بۇل بەلسەندى كوپۆەكتورلى ساياساتتىڭ ناتيجەسى. سونىڭ ارقاسىندا قازاقستاندىقتاردىڭ توبەسىندە بەيبىت اسپان ساقتالىپ وتىر.
ەكىنشىدەن، حالىقارالىق نارىقتاعى كۇردەلى جاعدايدا قازاقستان شەتەلدىك ينۆەستورلاردى تارتۋدا.
رەسمي دەرەكتەرگە سايكەس، 2022-2023 -جىلدارى ەلىمىزگە 41,3 ميلليارد دوللار تىكەلەي شەتەل ينۆەستيتسياسى تارتىلدى. ماسەلەن، پرەزيدەنتتىڭ قىتايعا سوڭعى ساپارى بارىسىندا 16,5 ميلليارد دوللاردىڭ كەلىسىمشارتى جاسالدى. الەمدىك نارىقتاعى كۇردەلى جاعدايعا قاراماستان قازاقستاننىڭ ەكونوميكاسى دا، ەل حالقى دا ءوسىپ كەلە جاتىر.
ۇشىنشىدەن، ەلىمىزدىڭ كولىك- لوگيستيكالىق الەۋەتى كەڭەيىپ كەلەدى. تورتىنشىدەن، ازاماتتارىمىزدىڭ شەتەلدە ءبىلىم الۋ مۇمكىندىگىكتەرى ارتىپ كەلەدى. شەتەلدىك جەتەكشى جوعارى وقۋ ورىندارىنىڭ فيلالدارى قازاقستاندا اشىلىپ جاتىر.
