شاۆكات راحمونوۆتىڭ چەمپيوندىق تيتۋلعا نە ءۇشىن توبەلەسپەيتىنى بەلگىلى بولدى
استانا. قازاقپارات - UFC- دە ونەر كورسەتەتىن قازاقستاندىق فايتەر شاۆكات راحمونوۆ مامىردا جوسپارلانعان چەمپيوندىق جەكپە-جەككە شىعا المايتىن بولدى. الەم چەمپيونى - امەريكالىق بەلال مۋحامماد تيتۋلىن قورعاۋ ءۇشىن قازاقپەن ەمەس، اۋستراليالىق دجەك دەللا ماددالەنامەن توبەلەسەدى.
وسى جاڭالىقتان كەيىن شاۆكات راحمونوۆ جانكۇيەرلەرىنە ۇندەۋ جاساپ، UFC- ءدىڭ نەلىكتەن مۇنداي شەشىم قابىلداعانىن ءتۇسىندىردى.
«ماعان چەمپيوندىق تيتۋل ءۇشىن توبەلەسۋگە ءبىرىنشى ۇسىنىس جاساعانى ءۇشىن UFC- گە راحمەت. وكىنىشكە قاراي، جاراقاتىما بايلانىستى مەن مامىر ايىنا دەيىن جەكپە-جەككە شىعۋعا دايىن بولمايمىن. ەكەۋىنىڭ قاي جەڭگەنىمەن بيىل كەزدەسەمىن»، - دەپ جازدى شاۆكات الەۋمەتتىك جەلىدە.
وسىلايشا، بەلال مۋحامماد پەن دجەك دەللا ماددالەنا 10-مامىردا جەكپە-جەككە شىعادى. مۇنى UFC رەسمي راستادى.
