شاۆكات راحمونوۆتىڭ كەلەسى قارسىلاسى مالىمدەمە جاسادى
استانا. KAZINFORM - جارتىلاي ورتا سالماقتاعى UFC چەمپيونى بەلال مۋحامماد (24-3) تيتۋلىن العاش رەت قورعايتىن جەكپە-جەككە قاتىستى مالىمدەمە جاسادى.
چەمپيون اۋستراليالىق دجەك دەللا ماددالەناعا (17-2) قارسى كۇرەس ادىستەرىن قولدانباي، ونى تىك تۇرىپ جەڭەتىنىن ايتتى.
«دجەككە قارسى رينگكە شىعامىن جانە وعان تەيكداۋن مۇلدە جاسامايمىن. بارىنە، جانكۇيەرلەرگە UFC- ءدىڭ جارتىلاي ورتا سالماعىندا ەڭ مىقتى بوكسشى ەكەنىمدى پاش ەتەمىن، وعان «كانەلونىڭ ستيلىن» كورسەتەمىن. جەكپە-جەگىمدى مىندەتتى تۇردە كورىڭىزدەر»، - دەپ كەلتىردى مۋحاممادتىڭ ءسوزىن Bloody Elbow.
ايتا كەتەيىك، قازاقستاندىق شاۆكات راحمونوۆ بەلالمەن ەكى رەت كەزدەسۋ كەرەك بولاتىن، الايدا ەكى رەت تە ايقاس وتپەي قالدى. ەندى شاۆكات وسى كەزدەسۋدەن كەيىن مۋحاممادپەن جۇدىرىقتاسادى دەپ كۇتىلىپ وتىر.
