شاۆكات راحمونوۆتى بەيجىڭدە قازاق ستۋدەنتتەرى «قورشاپ» الدى
بەيجىڭ. KAZINFORM - قىتايداعى قازاقستاننىڭ تۋريزم جىلىنىڭ رەسمي اشىلۋ راسىمىنە كەلگەن UFC ۇيىمىندا ونەر كورسەتەتىن تانىمال قازاقستاندىق فايتەر شاۆكات راحمونوۆتى بەيجىڭدە وقىپ جاتقان قانداس ستۋدەنتتەر قوناقۇيدىڭ كىرەبەرىسىندە «قورشاپ» الدى.
ولار سپورتشىدان قولتاڭبا سۇراپ، ونىمەن ەستەلىك سۋرەتكە ءتۇستى.
قىتاي استاناسىندا ءوتىپ جاتقان ءىس-شارانىڭ اشىلۋ سالتاناتىنا شاۆكات راحمونوۆتان بولەك وليمپيادا چەمپيونى سەرىك ساپيەۆ پەن وليمپيادا جۇلدەگەرى قانات يسلام دا كەلگەن بولاتىن.
ايتا كەتەيىك، 28-29-ناۋرىز ارالىعىندا بەيجىڭدە قىتايداعى قازاقستان تۋريزمى جىلىنىڭ رەسمي اشىلۋ سالتاناتى وتەدى. وسىعان وراي، قازاقستاننان بەيجىڭگە 600-گە جۋىق ارنايى دەلەگاتسيا ۇشىپ كەلگەن بولاتىن.
ەسكە سالساق، تانىمال بوكسشى قانات يسلام قىتايداعى قازاقستاننىڭ تۋريزم جىلىنىڭ اشىلۋ ءراسىمىنىڭ الدىندا Kazinform تىلشىسىنە سۇحبات بەرگەن بولاتىن.
اۆتور
كۇنسۇلتان وتارباي
