شاۆكات راحمونوۆ UFC رەيتينگىندە رەسمي تۇردە كوتەرىلدى
استانا. قازاقپارات - UFC رەسمي تۇردە قازاقستاندىق فايتەر شاۆكات راحمونوۆ سىنعا تۇسەتىن جارتىلاي ورتا سالماقتاعى وكىلدەردىڭ جاڭارتىلعان رەيتينگىن ۇسىندى، دەپ حابارلايدى Kazinform اگەنتتىگى Sports.kz پورتالىنا سىلتەمە جاساپ.
رەيتينگىنىڭ جاڭا نۇسقاسىندا شاۆكات ءۇشىنشى ورىننان ەكىنشى ورىنعا كوتەرىلسە، كامارۋ ۋسمان بۇرىنعى ورنىن ساقتاپ قالدى. اتالعان ديۆيزيوننىڭ تاعى ءبىر بۇرىنعى چەمپيونى لەون ەدۆاردس ءبىرىنشى ورىندا تۇر.
راحمونوۆتىڭ بۇرىنعى قارسىلاستارى دا ورىندارىن اۋىستىردى - دجەفف نيل 10-ورىنعا كوتەرىلسە، ستيۆەن تومپسون 11-ورىنعا تومەن سىرعىدى.
8-جەلتوقساندا شاۆكات راحمونوۆ (18-0) لاس-ۆەگاستا (ا ق ش، نيەۆادا شتاتى) UFC 310 تۋرنيرىندە يرلانديالىق فايتەر يەن گەرريمەن جەكپە-جەك وتكىزىپ، تورەشىلەردىڭ ءبىراۋىزدان شەشىمىمەن قارسىلاسىنان باسىم تۇسكەن بولاتىن.
ەندىگى كەزەكتە شاۆكاتتىڭ ورتا سالماقتاعى UFC چەمپيونى بەلال مۇحاممادپەن (24-3) جەكپە- جەگى ءوتۋى مۇمكىن. ولاردىڭ العاشقى جەكپە-جەگى 8-جەلتوقساندا وتەتىن تۋرنيرگە جوسپارلانعان ەدى. دەگەنمەن امەريكالىق فايتەردىڭ دەنساۋلىعى سىر بەرىپ، قوس مىقتى اراسىنداعى ايقاس وتپەي قالدى.
ايتا كەتەيىك، راحمونوۆتان جەڭىلگەننەن كەيىن گەرري جارتىلاي ورتا سالماق وكىلدەرىنىڭ جاڭارتىلعان رەيتينگىندە 7-ورىنعا ورنالاستى.
