شاحتاداعى اپات: توتەنشە جاعدايدىڭ الدىن الا سەبەبى اتالدى

- الدىن الا مالىمەتتەر بويىنشا، «قازاقمىس» كورپوراتسياسىنىڭ كەنىشتەرى ءۇشىن ءتان ەمەس تابيعي گازدىڭ جارىلىسى بولعان. وقيعانىڭ ءمان- جايى مەن سەبەپتەرى انىقتالىپ جاتىر. قايعىلى جاعدايدى تەرگەۋ ءۇشىن ارنايى مەملەكەتتىك كوميسسيا قۇرىلدى. «قازاقمىس كورپوراتسياسى» ج ش س تراگەديانىڭ بارلىق ءمان-جايىن انىقتاۋدا تولىق كومەك كورسەتۋدە، - دەلىنگەن حابارلامادا.

«قازاقمىس» باسشىلىعى مەن ۇجىمى قازا تاپقانداردىڭ وتباسىلارى مەن جاقىندارىنا كوڭىل ايتتى.

ەستەرىڭىزگە سالا كەتەيىك، بۇگىن ساعات 16:50 دە ۇلىتاۋ وبلىسىنداعى شاحتادا اپات بولىپ، 7 ادام توتەنشە جاعدايدا قالعان ەدى.

وقيعا ورنىنا جەدەل جاردەم بريگادالارى جونەلتىلدى. كابەلدەردىڭ ۇزىلۋىنە بايلانىستى جۇمىسشىلارمەن بايلانىس جوق. شاحتادا قالعان جۇمىسشىلاردىڭ ءتىزىمى بەلگىلى بولدى.

ۇلىتاۋ وبلىسىندا شاحتانىڭ وپىرىلۋىنا بايلانىستى ۇكىمەتتىك كوميسسيا قۇرىلعان ەدى.

ىزدەستىرۋ- قۇتقارۋ جۇمىستارى بارىسىندا قۇتقارۋشىلار توبى «قازاقمىس كورپوراتسياسىنىڭ» 6 جۇمىسشىنىڭ دەنەسىن تاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى