شاڭحايدا 5-قاراشادا VI قىتاي حالىقارالىق يمپورت كورمەسى اشىلادى
شاڭحاي قالاسىندا 5-10-قاراشا ارالىعىندا 6- قىتاي حالىقارالىق يمپورت كورمەسى (China International Import Expo, CIIE) وتەدى.
بۇل تۋرالى بريفينگ كەزىندە ق ح ر س ءى م رەسمي وكىلى ۆان ۆەيبين ءمالىم ەتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ق ح ر س ءى م حابارلاماسىندا CIIE كورمەسىنىڭ اشىلۋ سالتاناتى مەن وعان قاتىستى ءىس- شارالارعا قازاقستان پرەمەر- ءمينيسترى ءاليحان سمايىلوۆ، اۋستراليا پرەمەر- ءمينيسترى ەنتوني البانەزە، كۋبا پرەمەر- ءمينيسترى مانۋەل ماررەرو، سەربيا پرەمەر- ءمينيسترى انا برنابيچ پەن باسقا دا ەلدەردىڭ دەلەگاتسيا باسشىلارى قاتىسادى.
جالپى 6-10-قاراشا ارالىعىنداعى 6-قىتاي حالىقارالىق يمپورت كورمەسىنە الەمنىڭ 154 ەلى مەن ءوڭىرى، سونداي- اق حالىقارالىق ۇيىم وكىلدەرى قاتىسادى. قازىرگى ۋاقىتتا قاتىسۋ ءۇشىن 3,4 مىڭ كومپانيا تىركەلگەن. وعان 410 مىڭعا جۋىق كاسىبي ساتىپ الۋشىلار كەلەدى دەگەن بولجام بار.بيىل 70 ەل ۇلتتىق ونىمدەرىن تانىستىرادى.
قازاقستان بۇل كورمەگە العاش اشىلعان 2018 -جىلدان بەرى قاتىسىپ كەلە جاتقانىن ايتا كەتەيىك.
بۇعان دەيىن Kazinform حابارلاعانداي، بيىل قازاقستان ەكى ستەندتە تۇر. ءبىرىنشىسى - مەملەكەتتەر ستەندى. مۇندا Kazakh Invest, Kazakh Tourism, ق ت ج، Air Astana, قازپوشتا، ۇاق جانە باسقا دا ءىرى ۇلتتىق كومپانيالار ەلدىڭ ەكسپورتتىق، ينۆەستيتسيالىق، لوگيستيكالىق، يننوۆاتسيالىق جانە تۋريستىك الەۋەتىن تانىستىرادى. اوك سەكتورى اتىنان ەت وداعى، قازاقستاننىڭ مايلى داقىلداردى قايتا وڭدەۋ ۇلتتىق قاۋىمداستىعى، ءدان وداعى مەن وندىرىستىك كورپوراتسيا بار.
ەكىنشى ستەند - كوممەرتسيالىق ەمەس، ونىڭ الاڭىندا وتاندىق تاۋار وندىرۋشىلەر قىتاي نارىعىندا سۇرانىسقا يە اوك ءونىمىن تانىستىرادى.
