شاڭحاي ىنتىماقتاستىق ۇيىمى ۇكىمەت باسشىلارىنىڭ كەڭەسى رەسەيدە وتەدى
استانا. قازاقپارات - شاڭحاي ىنتىماقتاستىق ۇيىمى ۇكىمەت باسشىلارىنىڭ كەڭەسى كۇزدە رەسەيدە وتەدى. بۇل تۋرالى ۇيىمنىڭ باس حاتشىسى نۇرلان ەرمەكبايەۆتىڭ رەسەيگە ساپارى بارىسىندا ءمالىم بولدى.
كەزدەسۋدە رەسەيلىك تاراپتىڭ جۇمىسىن قىتايدىڭ ۇيىمعا ءتوراعالىعىنىڭ مىندەتتەرى جانە باسىمدىقتارىمەن ۇندەستىرۋ ماسەلەلەرى تالقىلاندى. كۇزدە وتەتىن وتىرىستا ءۇش ماڭىزدى قۇجات قابىلدانۋى مۇمكىن. ولار ساياسي دەكلاراتسيا، ۇلى جەڭىستىڭ 80 جىلدىعىنا وراي مالىمدەمە جانە ۇيىمنىڭ 2035 -جىلعا دەيىنگى دامۋ ستراتەگياسى.
قازىر ۇيىمعا التى مەملەكەت باقىلاۋشى بولۋعا ۇسىنىس ءبىلدىرىپ وتىر، تاعى سەگىز ەل ارىپتەس بولۋعا نيەتتى.
نۇرلان ەرمەكبايەۆ، ش ى ۇ باس حاتشىسى:
- رەسەي ۇكىمەتتىڭ جەتەكشىلەرىمەن، رەسەي پرەزيدەنتىنىڭ كەڭەسشىمەن، روس كونگرەسس دەگەن ۇيىمىنىڭ باسشىسىمەن جانە باسقا دا مەملەكەتتىك ورگانداردىڭ جەتەكشىلەرمەن كەزدەستىم. ءبىز ش ى ۇ- نىڭ اياسىندا قاي باعىتتاردا ءوزىمىزدىڭ كۇش-جىگەرىمىزدىڭ جۇمىلدىرامىز، قاي باسىمدىقتارعا ەرەكشە نازار اۋدارۋ كەرەك ەكەنىن، باسقا دا ماسەلەلەر بويىنشا پىكىر الماستىق.
