ۋشا ۆەنس باستاعان ا ق ش دەلەگاتسياسى گرەنلاندياعا بارادى
استانا. KAZINFORM - ا ق ش پرەزيدەنتى دونالد ترامپتىڭ ارالدى اننەكسيالاۋ جوسپارلارى تۋرالى مالىمدەمەسىنە بايلانىستى وسى اپتادا ا ق ش- تىڭ جوعارى دەڭگەيدەگى دەلەگاتسياسى گرەنلاندياعا «ارالدىڭ داستۇرلەرىمەن تانىسۋ ءۇشىن» بارادى. بۇل تۋرالى Reuters اگەنتتىگى حابارلادى.
دەلەگاتسيانى ا ق ش ۆيتسە-پرەزيدەنتى دجەي دي ۆەنستىڭ ايەلى ۋشا ۆەنس باسقارادى. دەلەگاتسيا قۇرامىندا اق ءۇيدىڭ ۇلتتىق قاۋىپسىزدىك جونىندەگى كەڭەسشىسى مايك ۋولتس پەن ەنەرگەتيكا ءمينيسترى كريس رايت بولادى.
ۆالس پەن رايت گرەنلاندياداعى ا ق ش اسكەري بازاسى - پيتۋففيك عارىش بازاسىنا بارۋدى جوسپارلاپ وتىر.
سودان كەيىن ولار ۋشا ۆەنسكە قوسىلىپ، تاريحي ورىندارعا بارادى جانە «شاناعا جەگىلگەن يتتەر» ۇلتتىق جارىستارىنا قاتىسادى.
ەسكە سالايىق، ترامپ پرەزيدەنتتىك قىزمەتىنە كىرىسكەننەن كەيىن گرەنلانديانى ا ق ش- قا قوسۋ نيەتى تۋرالى مالىمدەگەن بولاتىن. الايدا ارالدىڭ دا، دانيانىڭ دا ۇكىمەتتەرى امەريكا پرەزيدەنتىنىڭ يدەياسىنا قارسى شىقتى.
ايتا كەتەيىك، دانيا باسشىلارى دونالد ترامپتىڭ كومانداسىنا كوپەنگاگەننىڭ قاۋىپسىزدىگىن ارتتىرۋ ءۇشىن ا ق ش- تىڭ اۆتونوميالىق ارالدا اسكەري ورنالاسۋىنا رۇقسات بەرۋگە دايىن ەكەندىگى تۋرالى جەكە حابارلاما جولداعان بولاتىن.
ا ق ش كونگرەسىندە گرەنلانديانى ساتىپ الۋ تۋرالى زاڭ جوباسى ۇسىنىلدى.
دانيا پرەمەر-ءمينيسترى ە و باسشىلارىمەن گرەنلانديا جاعدايىن تالقىلادى.
