ش ى ۇ «تۋريزم جىلى 2023» فورۋمى قىتايدا وتەدى
شاڭحاي ىنتىماقتاستىق ۇيىمىنىڭ (ش ى ۇ) فورۋمى- «تۋريزم جىلى 2023» 23-26 -قاراشادا قىتايدىڭ شىڭجاڭ- ۇيعىر اۆتونوميالىق اۋدانى (ش ۇ ا ر) ءۇرىمشى قالاسىندا وتەدى. بۇل تۋرالى Kazinform تىلشىسىنە ش ى ۇ باس حاتشىسى چجان مين ايتتى.
ونىڭ سوزىنشە، فورۋمعا مۇشە مەملەكەتتەردىڭ تۋريزم اكىمشىلىگىنىڭ باسشىلارى، ش ى ۇ- نىڭ باقىلاۋشىلارى مەن ديالوگتىق سەرىكتەستەرى، حالىقارالىق ۇيىمدار، ۇلتتىق تۋريستىك كومپانيالاردىڭ باسشىلارى، بيزنەس- قاۋىمداستىق پەن باق وكىلدەرى قاتىسادى.
— پاندەميا تەك ش ى ۇ كەڭىستىگىندە عانا ەمەس، بۇكىل الەمدە تۋريزم سالاسىنا ۇلكەن زيان كەلتىرگەنى ءسوزسىز. سوندىقتان بۇگىندە بۇكىل الەم سياقتى ءبىزدىڭ الدىمىزدا تۋريزمدى جاڭعىرتۋ مىندەتى تۇر. شاڭحاي ىنتىماقتاستىق ۇيىمىنا مۇشە مەملەكەتتەر 2023 -جىلدى ش ى ۇ- دا تۋريزم جىلى دەپ جاريالادى. الداعى فورۋمدا ءبىز ش ى ۇ كەڭىستىگىندە تۋريزم سالاسىنداعى شارالاردى ازىرلەۋ مەن جۇزەگە اسىرۋعا قاتىستى ماسەلەلەردى كوتەرۋدى جوسپارلاپ وتىرمىز، - دەدى باس حاتشى.
ول الماتى قالاسىنا ش ى ۇ- نىڭ 2023-2024 -جىلدارعا ارنالعان مادەني جانە تۋريستىك استاناسى مارتەبەسى بەرىلگەنىن ەرەكشە اتاپ ءوتتى.
— قازاقستان ش ى ۇ- عا ءتوراعالىق ەتۋ اياسىندا ش ى ۇ كەڭىستىگىندە ءتۋريزمدى دامىتۋ بويىنشا ناقتى جوسپارلاردى قاراستىردى. جاقىندا اقتاۋدا حالىقارالىق تۋريستىك فورۋمى ءوتتى. ءبىر سوزبەن ايتقاندا، ءبىز ءتۋريزمنىڭ جاندانۋىنا سەنىممەن جانە ۇمىتپەن قارايمىز، — دەدى ول.
ەستەرىڭىزگە سالا كەتەيىك، 2023 -جىلدىڭ شىلدەسىندە قازاقستان شاڭحاي ىنتىماقتاستىق ۇيىمىنا ءتوراعالىق ەتۋ ەستافەتاسىن قابىلداعان بولاتىن.
اۆتور
ەركەجان سماعۇلوۆا
