ش ى ۇ ەلدەرى قاۋىپسىزدىك كەڭەستەرى حاتشىلارىنىڭ وتىرىسى وتەدى –س ءى م

2024-جىلعى 2-3-ساۋىردە استانا قالاسىندا شاڭحاي ىنتىماقتاستىق ۇيىمىنا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ 19-كەزدەسۋى وتەدى. الداعى ءىس-شارا قازاقستاننىڭ توراعالىعىمەن وتەدى جانە ۇيىمعا تولىققاندى مۇشە مەملەكەت رەتىندە العاش رەت يران قاتىسادى. ۇيىمنىڭ باقىلاۋشى مەملەكەتتەرى - موڭعوليا مەن بەلارۋس قوناق رەتىندە شاقىرىلدى. وسى كەزدەسۋ اياسىندا ۇيىمنىڭ جاۋاپكەرشىلىك ايماعىنىڭ وزەكتى حالىقارالىق ماسەلەلەرى بويىنشا، ونىڭ ىشىندە «ءۇش زۇلىمدىق كۇشتەرىنە» (تەرروريزم، سەپاراتيزم، ەكسترەميزم)، ەسىرتكى قۇرالدارى مەن پسيحوتروپتىق زاتتاردىڭ زاڭسىز اينالىمىنا، ترانسۇلتتىق ۇيىمداسقان قىلمىسقا بىرلەسە قارسى تۇرۋ جانە حالىقارالىق اقپاراتتىق قاۋىپسىزدىك باعىتى بويىنشا ىنتىماقتاستىق، سونداي-اق بىرىككەن ۇلتتار ۇيىمى، ازياداعى ءوزارا ءىس-قيمىل جانە سەنىم شارالارى جونىندەگى كەڭەس، ۇجىمدىق قاۋىپسىزدىك تۋرالى شارت ۇيىمى سياقتى كوپجاقتى بىرلەستىكتەر شەڭبەرىندەگى ودان ءارى ارەكەتتەستىك بويىنشا پىكىر الماسۋ جوسپارلانعان»، - دەدى رەسمي وكىل.

ونىڭ ايتۋىنشا، ءىس-شارانىڭ قورىتىندىسىندا ۇيىمعا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ كەزدەسۋ حاتتاماسىنا قول قويۋ جوسپارلانعان. وندا مۇشە مەملەكەتتەردىڭ وڭىرلىك جانە حالىقارالىق قاۋىپسىزدىك ماسەلەلەرى بويىنشا كوپجاقتى ارىپتەستىكتى ودان ءارى دامىتۋعا ورتاق كوزقاراستارى كورسەتىلەدى.

«الداعى كەزدەسۋ تۇتاستاي العاندا قاۋىپسىزدىك پەن تۇراقتىلىق سالاسىنداعى وڭىرلىك ارىپتەستىكتى قامتاماسىز ەتۋ بويىنشا قازاقستاننىڭ ۇزاق مەرزىمدى مۇددەلەرىنە ساي كەلەدى جانە شىۇ اياسىنداعى قازاقستاننىڭ كوپجاقتى ىنتىماقتاستىعىنىڭ دەڭگەيىن ارتتىرۋعا، سونداي-اق وڭىردەگى نەگىزگى ارىپتەستەرمەن سىن-قاتەرلەرگە قارسى ءىس-قيمىل سالاسىنداعى تىعىز ساياسي ديالوگقا باعىتتالعان»، - دەدى ايبەك سمادياروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى