ش ى ۇ ءسامميتى: ەلوردا 2 كۇنگە جابىق قالاعا اينالمايدى
استانا. KAZINFORM - شىلدەنىڭ 3-4-كۇندەرى استانادا ش ى ۇ ءسامميتىنىڭ وتۋىنە بايلانىستى قالا سىرتتان كەلۋشىلەر ءۇشىن جابىق بولمايدى.
بۇل تۋرالى سەناتتىڭ جالپى وتىرىسىندا ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ايتتى.
ونىڭ اتاپ وتۋىنشە، سامميت وتەتىن كۇندەرى ەلوردا گورنيزوندى تولىق قۇرامدا جۇمىس ىستەيدى. مۇنان بولەك، سىرتتان تارتىلاتىن دا كۇشتەر بار.
«6 مىڭنان 8 مىڭعا دەيىن پوليتسيا قىزمەت ەتەدى. ازاماتتاردىڭ ءجۇرىپ- تۇرۋىنا ەشقانداي شەكتەۋ جوق. بۇل وسىنداي حالىقارالىق ءىس- شارانى وتكىزۋ كەزىندە قولدانىلاتىن ستاندارتتى قاۋىپسىزدىكتى كۇشەيتۋگە باعىتتالعان شارا سانالادى. قالانى ەشكىم جاپپايدى»، - دەدى مارات قوجايەۆ.
