ش ق و- دا قۇسبەگىلەردىڭ حالىقارالىق فەستيۆالى وتەدى

«شىعىس سالبۋرىنى-2023» حالىقارالىق فەستيۆالىنىڭ ماقساتى - سالاماتتى ءومىر سالتىن ناسيحاتتاۋ، قۇسبەگىلىكتەن، تازى جۇگىرتۋدەن، اساۋ ۇيرەتۋدەن، ساداق اتۋدان جارىس وتكىزۋ ارقىلى قوعامنىڭ وسى ۇلتتىق سپورت تۇرلەرىنە قىزىعۋشىلىعىن ارتتىرۋ. جارىسقا «رەسپۋبليكالىق قۇسبەگىلىك فەدەراتسياسى» ق ب بەكىتكەن تورەشىلەر القاسى باسشىلىق ەتەدى.

«فەستيۆالدە قازاقستان، موڭعوليا، قىتاي، تۇركيا، قىرعىز رەسپۋبليكاسى، رەسەي ەلدەرىنەن 40 بۇركىت، 10 سۇڭقار جانە 30 تازىمەن سپورتشىلار باق سىناسادى. سونداي- اق ق ر ۇلتتىق سپورت قاۋىمداستىعى رەسپۋبليكالىق «قىران» فەدەراتسياسى» قوعامدىق قورىنىڭ ۆيتسە- پرەزيدەنتى باعداتحان مۇپتەكە قىزى جانە الەمگە تانىمال بۇركىتشى قىز ايشولپان نۇرعايىپ قىزى قاتىسادى.

حالىقارالىق فەستيۆالدە قىران قۇستى قولعا شاقىرۋ، قۇستىڭ ەركىن ۇشۋى، بۇركىتتى شىرعاعا سالۋ، قويانعا، تۇلكىگە سالۋ، سۇڭقاردى كەپتەرگە سالۋ، تازى يتتەردى 1 شاقىرىم قاشىقتىققا جىلدامدىققا جۇگىرتۋ، اساۋ جىلقى ۇيرەتۋ سىندى سايىستار بولادى.

بارلىعى قازاقي ۇلگىدە 15 كيىز ءۇي قۇرىلادى. قازاق حالقىنىڭ سالت- ءداستۇرى، مادەنيەتى، سپورتتىق ويىندارى كورسەتىلەدى. 24 -قاراشادا باستالاتىن حالىقارالىق فەستيۆالدىڭ فينالى 25- قاراشادا وتەدى. جارىس جەڭىمپازدارى مەن جۇلدەگەرلەرىنە ۇيىمداستىرۋ القاسىنىڭ ديپلومى، كۋبوك، مەدال مەن قارجىلاي سىيلىقتار تابىس ەتىلەدى.

اۆتور

تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى