ءۇش ەلدىڭ شەكاراسىندا 700 گە جۋىق قازاقستاندىق جۇك كولىكتەرى تۇرىپ قالدى
قازاقستاندىق جۇك كولىكتەرى بەلارۋس، لاتۆيا جانە ليتۆا شەكاراسىندا تۇرىپ قالدى. سىرتقى ىستەر مينيسترلىگى اتالعان جاعدايعا تۇسىنىك بەردى، دەپ حابارلايدى Kazinform.
«ءبىزدىڭ ەلشىلىكتەر، كولىك مينيسترلىگى جانە بەلارۋس، لاتۆيا جانە ليتۆا بيلىگىمەن ماسەلەنى شەشۋدى پىسىقتاپ جاتىرمىز. جۇك كولىكتەرىنىڭ تۇرىپ قالاتىنى بولجانعان» ، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىكتە وتكەن باسپا ءسوز ءماسليحاتىندا.
س ءى م مالىمەتىنە سايكەس 700 گە جۋىق قازاقستاندىق جۇك كولىكتەرىنىڭ جۇرگىزۋشىلەرى شەكارادا 7-8 كۇن بويى كەزەكتە تۇر.
ونىڭ ايتۋىنشا، بەيىندى ۆەدومستۆولار قولدان كەلگەننىڭ ءبارىن جاسايدى.
ايتا كەتەيىك، ايبەك سمادياروۆ گازا سەكتورىندا قازاقستاننىڭ 76 ازاماتى بارىن ايتقان ەدى.
سونداي- اق، بريفينگتە قازاقستان پالەستيناعا گۋمانيتارلىق كومەك رەتىندە 1 ميلليون دوللار جىبەرگەنى ايتىلدى.
