دينا ءتاڭسارى چەرنوگوريادا ۇستالدى جانە قازاقستانعا ەكستراديتسيالانۋى مۇمكىن

- مەنى جاڭا عانا ۇستاپ، پودگوريتسانىڭ (چەرنوگوريا استاناسى - رەد. ) پوليتسيا بولىمىنە اكەلدى. ەرتەڭ ەكستراديتسيا بويىنشا سوت وتەدى. بۇل سوتتىڭ قانداي شەشىم شىعارارىن بىلمەيمىن، ءبىراق تاڭعا دەيىن مەنى چەرنوگوريا پوليتسياسىندا ۇستايتىنىن ايتتى. جالپى، ەرتەڭ سوتتىڭ شەشىمى بەلگىلى بولادى. مەنى نە ءۇشىن ۇستاعانىن بىلمەيمىن. مەنى جاي عانا سوتقا اكەلۋگە بولار ەدى، ءبىراق تاڭعا دەيىن وسىندا ۇستاعىلارى كەلىپ وتىر. دوستار، سىزدەردىڭ قولداۋلارىڭىزدى سۇرايمىن. مۇنىڭ ءبارى نەمەن اياقتالارىن بىلمەيمىن، ءبىراق مەنى ەكستراديتسيالامايدى دەپ ۇمىتتەنەمىن، - دەدى ول الەۋمەتتىك جەلىدەگى بەينەۇندەۋىندە.

وسى ورايدا، Kazinform اگەنتتىگى ق ر باس پروكۋراتۋراسىنا، ق ر ىشكى ىستەر مينيسترلىگىنە حابارلاستى. اقپارات ناقتىلانىپ جاتقانى تۋرالى جاۋاپ الدىق. ال ق ر سىرتقى ىستەر مينيسترلىگى قۇقىق قورعاۋ ورگاندارىنا جول سىلتەدى.

ەسكە سالا كەتسەك، 2023 -جىلى 27-جەلتوقساندا ىشكى ىستەر مينيسترلىگى قۇقىق قورعاۋشى، «نە مولچي» قورىنىڭ باسشىسى دينا تاڭسارىگە ىزدەۋ جاريالادى.

الماتى قالاسىنىڭ، شىعىس قازاقستان جانە الماتى وبلىستارىنىڭ پوليتسيا دەپارتامەنتتەرى وعان قاتىستى كورىنەۋ جالعان اقپارات تاراتۋ، جەكە ومىرگە قول سۇعىلماۋشىلىقتى بۇزۋ فاكتىلەرى بويىنشا 6 قىلمىستىق ءىس قوزعاپ، تەرگەپ جاتىر. ونىڭ ىشىندە ەكى ءىس - الاياقتىق بويىنشا.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى