ديماشتىڭ پولشالىق جانكۇيەرلەرى «پولياك- قازاق» ءتىلاشارىن شىعاردى

ءتىلاشار شىعارۋ يدەياسى «ديماش راديوسىندا» وتكىزىلگەن قازاق ءتىلى كۋرستارى اياسىندا باستالدى. راديو تىڭدارماندارى وسى كۋرستىڭ ارقاسىندا قازاقستانعا ساپار شەگۋ سياقتى تاقىرىپتاردا نەگىزگى سوزدەر مەن ءسوز تىركەستەرىن ۇيرەندى. كۋرستار الماتىلىق وقىتۋشى بەگلان شارىمبايەۆتىڭ كومەگىمەن وتكىزىلدى. ول فان- كلۋبقا ساباق ءوتىپ، قازاقشا دۇرىس سويلەۋدى مەڭگەرۋگە كومەكتەستى.

وقۋدى جەڭىلدەتۋ ءۇشىن پولياك تىلىندەگى قازاق سوزدەرىنىڭ فونەتيكالىق ترانسكريپتسياسىن دايىنداۋ - وسى وقۋ پروتسەسىنىڭ ەرەكشەلىگى بولدى. ۋاقىت وتە كەلە قاتىسۋشىلار بارلىق جيناقتالعان ماتەريالداردى بىرىكتىرىپ، كىتاپ شىعارۋعا شەشىم قابىلدادى.

سوزدىكتى ازىرلەۋگە: قازاق ءتىلى وقىتۋشىسى - بەگلان شارىمبايەۆ؛ يلليۋستراتور - يۆونا وپارا- ستاحولەتس؛ كوررەكتور - ۋلا ۆلودارسك؛ قازاق ءتىلى كۋرستارىنىڭ اۆتورى، سونىمەن قاتار، جۇرگىزۋشىسى - تەرەزا كونكول قاتىستى.

ءتىلاشار ديماشتىڭ جانكۇيەرلەرىن قازاق ءتىلىنىڭ نەگىزدەرىمەن تانىستىرىپ قانا قويماي، ءارتۇرلى يلليۋستراتسيالاردىڭ ارقاسىندا وقۋ پروتسەسىن جەڭىلدەتەدى. اۆتورلاردىڭ پىكىرىنشە، شاعىن كىتاپ ساياحاتشىلار ءۇشىن قازاقستاننىڭ كوركەم جەرلەرىمەن تانىسۋعا پايدالى نۇسقاۋلىق سونىمەن قاتار، ديماشتىڭ جانكۇيەرلەرىن ونىڭ مادەنيەتىن تەرەڭىرەك زەرتتەۋگە شابىتتاندىرادى.

- مەن ءبىزدىڭ بۇل جۇمىسىمىزدى ماقتان تۇتامىن. ديماشتىڭ بۇل پولياك فان- كلۋبى ونىڭ شىعارماشىلىعىنا قولداۋ كورسەتىپ قانا قويماي، قازاق ءتىلىن كەڭىنەن ناسيحاتتايتىندىعىنىڭ تاعى ءبىر دالەلى، - دەپ ءبولىستى تەرەزا كونكول.

ەسكە سالا كەتەيىك، بۇعان دەيىن ديماش قۇدايبەرگەن ۇزدىك مادەنيەت قايراتكەرى اتانعانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى