ديماشتىڭ جاڭا ءانى جارىققا شىقتى
ىستانبۇل. KAZINFORM - الەمگە ايگىلى قازاق ءانشىسى ديماش قۇدايبەرگەننىڭ جاڭا ءانىنىڭ تۇساۋى ىستانبۇلدا كەسىلدى.
بۇگىن ورىنداۋشىنىڭ رەسمي YouTube پاراقشاسىندا When I’ve Got You ءانىنىڭ بەينەبايانى جاريالاندى.
يدەيا اۆتورى - ديماشتىڭ ءوزى جانە عالىم اسىلوۆ.
ءانىن جازعان - ديماش قۇدايبەرگەن. ءسوزىن جازعان - كەنديس كەللي جانە دميترو گوردون.
«جەكە ءومىر سالتىن ۇستاناتىن الەمگە ايگىلى ءانشى ءوزىنىڭ العاشقى اشىق سۇحباتىن بەرۋگە شەشىم قابىلدادى. ول تاڭداعان جاس جۋرناليست «ال، ەگەر…» دەپ باستالاتىن ءتۇرلى ۋايىمعا تولى ساۋالدارى كوبەيىپ، قاتتى قوبالجىپ، ۋايىمعا سالىندى. ديماشتىڭ مەيىرىمدى جانە قاراپايىم ادام ەكەنىن ءبارى بىلەدى. ءبىراق ديماش بۇقارالىق اقپارات قۇرالدارىندا ءجيى كورىنە بەرمەي، جەكە سۇحبات بەرمەيتىندىكتەن ونىڭ جەكە ءومىرى تۋرالى از بىلەمىز. ال بۇگىن ءبىز ءانشىنى ءسال باسقا قىرىنان، جاڭا بەينەدە كورەتىن بولامىز»، - دەيدى كليپتىڭ رەجيسسەرى عالىم اسىلوۆ.
عالىم اسىلوۆ پەن جوبانىڭ ەكىنشى رەجيسسەرى ءارى جەلىلىك پروديۋسەر جانىبەك عۇسمانوۆ ءتۇسىرىلىم بارىسى وتە قىزىق بولعانىن جانە الماتىدا وتكەنىن حابارلادى.
بەينەبايانعا قىتايدان كەلگەن 70 تەن استام مامان تارتىلىپ، شىعارماشىلىق توپ جۇمىس جاسادى.
ءدال سول جەردە باس كەيىپكەردىڭ كوستيۋمى تىگىلىپ، قازاقستاندىق ماماندارمەن بىرگە ءانشىنىڭ بۇكىل وبرازى جاسالدى.
كاستينگ وڭاي بولعان جوق. باستى كەيىپكەردىڭ رولىنە كوپتەگەن اكتريسالار مەن مودەلدەر ب ا ق سىناعان.
ەجەلگى انتيكالىق مادەنيەتتى ىزدەۋگە كوپ كۇش جۇمسالعان.
سول سەبەپتى بەينەكليپتىڭ تۇسىرىلىمىنە ءۇش جەر پايدالانىلدى. شىعارماشىلىق كوماندا ينتەرەردىڭ ءاربىر ەلەمەنتىندە، كوستيۋمنىڭ ءاربىر دەتالىندە جانە ءار كادردا جۇمباققا تولى وقيعا جاساۋعا تىرىستى.
