ديماش تىڭدارماندارى ارگەنتينادا قازاقستان قۇرمەتىنە مونۋمەنت ورناتادى

ەسكەرتكىش جوباسىن لاتىن امەريكاسىنداعى قازاقستان مادەني ورتالىعىنىڭ ديرەكتورى يرينا ۆاگنەر تانىستىردى.

تانىستىرىلىمى دەۆيس كۋبوگىنداعى قازاقستان مەن ارگەنتينا ماتچىنا ارنالعان باسپا ءسوز كونفەرەنتسياسىندا ءوتتى.

يرينانىڭ ايتۋىنشا، موزايكا ىسپەتتەس شاعىن كەراميكالىق ەلەمەنتتەرمەن قاپتالعان بۇل ەسكەرتكىش - بۇكىل الەمدەگى بىرلىك، دوستىق پەن بەيبىتشىلىكتىڭ سيمۆولى.

ەسكەرە كەتەتىن تاعى ءبىر ءجايت، بۇل ەسكەرتكىشتىڭ ءاربىر بولىگى ديماشتىڭ جانكۇيەرلەرىنىڭ قايىرىمدىلىق جيناعىنىڭ ارقاسىندا جاسالادى.

وسى سىي ارقىلى ديماشتىڭ جانكۇيەرلەرى تاتۋلىق مەن ديماشقا دەگەن ادال سۇيىسپەنشىلىگىنىڭ شەكسىز ەكەنىن تاعى ءبىر مارتە دالەلدەدى.

ەسكەرتكىشتىڭ جوباسىن ايگىلى ارگەنتينالىق سۋرەتشى- مۇسىنشىلەر گۋستاۆو اۋگسبۋرگەر مەن دانيەل كوسيك جاساعان.

وسى ورايدا، مونۋمەنتتىڭ اتاۋى Alma del Rio قازاقشاعا «وزەننىڭ جانى، رۋحى» دەپ اۋدارىلسا، ەكىنشى قىزىقتى دەرەك: «Alma» — الماتى جانە «Rيo» — روزاريو قالالارىنىڭ العاشقى- سوڭعى بۋىندارىنان الىنعان.

ەسكەرتكىشتىڭ اشىلۋى 2024 -جىلدىڭ 16-جەلتوقسانىندا قازاقستاننىڭ تاۋەلسىزدىك كۇنىنە وراي جوسپارلانىپ وتىر.

سونىمەن قاتار، باسپا ءسوز كونفەرەنسياسىندا يسپان تىلىندە سويلەيتىن جاندارعا ارنالعان قازاق ءتىلىنىڭ تۇڭعىش وقۋلىعى دا تانىستىرىلدى.

بۇل وقۋلىق تاياۋدا بىرنەشە ەلدە قولجەتىمدى بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى