ديماش قۇدايبەرگەن مەن الەمگە ايگىلى وپەرا ءانشىسى پلاسيدو دومينگو دۋەتىنىڭ تۇساۋكەسەرى وتەدى

«ەرتەڭ ⅩⅩ عاسىردىڭ ايتقىسىز داۋىس يەسى پلاسيدو دومينگومەن بىرلەسكەن ونەرىمىزدىڭ تۇساۋكەسەرى وتەدى، ءبىز جورج بيزەنىڭ 1863 -جىلعى «The pearl Fishers» وپەراسىنان دۋەت ورىندادىق»، - دەپ جازدى د. قۇدايبەرگەن.

ديماشتىڭ ەۋرازيالىق فان-كلۋبىنىڭ پاراقشاسىندا جاريالانعان مالىمەتكە سۇيەنسەك، قوس جۇلدىز ءدۋەتىنىڭ تۇساۋكەسەرى 19-قاڭتار كۇنى بۋداپەشتتە Virtuosos V4+ حالىقارالىق جوباسىنىڭ فينالى بارىسىندا وتپەك. اقتىق كەزەڭنىڭ ەكىنشى بولىگى 26-قاڭتارعا جوسپارلانعان. بالالار اراسىنداعى كلاسسيكالىق مۋزىكا باسەكەسى جوبانىڭ YouTube ارناسىندا تىكەلەي ەفيردەن كورسەتىلەدى.

پلاسيدو دومينگو بۇل بايقاۋدا - حالىقارالىق قازىلار القاسىنىڭ ءتوراعاسى. تورەشىلەر قاتارىندا، سونداي-اق ەريكا ميكلوشا (ماجارستاننىڭ وپەرا ءانشىسى) جانە اندراش كەللەر (ماجارستاندىق سكريپكاشى، كەللەر كۆارتەتىنىڭ نەگىزىن قالاۋشى) بار جانە بۇل قۇرامعا بيىل العاش رەت قازاقستاندىق ءانشى ديماش قۇدايبەرگەن قوسىلىپ وتىر.

ايتا كەتەيىك، بيىلعى 4-مامىردا بۋداپەشتە ديماشتىڭ جەكە كونسەرتى وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى