ديماش قۇدايبەرگەن ب ۇ ۇ جەنيەۆالىق فيليالىنىڭ باسشىسىمەن كەزدەستى
بەلگىلى ءانشى ديماش قۇدايبەرگەن جەنيەۆاعا بارىپ، ب ۇ ۇ جەنيەۆالىق فيليالىنىڭ باسشىسى تاتيانا ۆالوۆايامەن كەزدەستى.
بۇل تۋرالى ءانشى ءوزىنىڭ Instagram ندا جازدى، دەپ حابارلايدى Kazinform.
«كەشە، 6- قاراشادا تاڭعاجايىپ جەنيەۆا قالاسىنا باردىم. وندا مەن بىرىككەن ۇلتتار ۇيىمىنىڭ جەنيەۆالىق فيليالىنىڭ باسشىسى تاتيانا ۆالوۆايامەن كەزدەستىم. كەزدەسۋ بارىسىندا ءبىز بىرلەسكەن جوبالاردىڭ كەلەشەگىن تالقىلادىق. سونداي-اق، بەلگىلى تۇلعالاردىڭ امبەباپ ادامي قۇندىلىقتاردى، بەيبىتشىلىك پەن ءوزارا تۇسىنىستىك يدەيالارىن ىلگەرىلەتۋدە ەرەكشە ءرول اتقارا الاتىنىن اتاپ وتتىك»، - دەپ جازدى ديماش.
سونداي-اق ول ۇلتتار سارايىندا بولىپ، جەنيەۆا كىتاپحاناسى مەن ب ۇ ۇ مۇراعاتتارىنداعى ونەر تۋىندىلارىمەن، تاريحي قۇجاتتارمەن جانە نىساندارمەن تانىسقانىن ايتتى.
كەيىنىرەك ۋيلسون سارايىندا – ب ۇ ۇ- نىڭ ادام قۇقىقتارى جونىندەگى باسقارماسىندا جانە حالىقارالىق كوشى-قون ۇيىمىنىڭ شتاب-پاتەرىندە كەزدەسۋلەر وتكەن.
«سونداي-اق، قازاقستاننىڭ ب ۇ ۇ جانىنداعى جەنيەۆاداعى تۇراقتى وكىلدىگىنە بارىپ، قىزمەتكەرلەرمەن جانە ولاردىڭ وتباسى مۇشەلەرىمەن كەزدەستىم. تۇراقتى وكىل ەرلان الىمبايەۆپەن كەزدەسۋ بارىسىندا مەن جەنيەۆا الاڭىنداعى قازاقستاننىڭ جۇمىستارىنىڭ باسىم باعىتتارىمەن تانىستىم»، - دەيدى ديماش قۇدايبەرگەن.
Посмотреть эту публикацию в Instagram
