ديدار سماعۇلوۆ ا ق ش- تىڭ سىبايلاس جەمقورلىققا قارسى حالىقارالىق ماراپاتىنا يە بولدى
استانا. KAZINFORM - ادىلدىك جولى رەسپۋبليكالىق قوعامدىق بىرلەستىگى اتقارۋشى ديرەكتورى، سىبايلاس جەمقورلىقپەن كۇرەسۋشى قوعام بەلسەندىسى ديدار سماعۇلوۆ «Anti-Corruption Champions Awards 2024» حالىقارالىق سىيلىعىنىڭ جەڭىمپازى اتاندى.
ا ق ش مەملەكەتتىك دەپارتامەنتى بەرەتىن ماراپاتتى وتانداسىمىز اتالمىش ەلدىڭ مەملەكەتتىك حاتشىسى ەنتوني بلينكەننىڭ قولىنان الدى.
- ماعان ا ق ش مەملەكەتتىك دەپارتامەنتى سىبايلاس جەمقورلىققا قارسى تۇرۋ سالاسىنداعى جەتىستىكتەر ءۇشىن بەرەتىن جوعارى حالىقارالىق سىيلىقتىڭ نومينانتى اتانعان 10 ادامنىڭ ءبىرى بولۋ قۇرمەتى بۇيىردى، - دەپ جازدى جازدى ول Facebook پاراقشاسىندا.
ايتۋىنشا، وعان بۇل سىيلىق قازاقستانداعى سىبايلاس جەمقورلىقتىڭ دەڭگەيىن تومەندەتۋ باعىتىندا ءتيىمدى جۇيەلىك رەفورمالار ەنگىزۋدەگى جانە جەمقورلىققا بوي الدىرعان تۇلعالاردى جاۋاپقا تارتۋداعى جۇمىسى ءۇشىن بەرىلگەن.
- ماراپاتتى تابىستاعاننان كەيىن قازاقستاننىڭ ا ق ش- تاعى ەلشىسى قابىلدادى. وسىلايشا العاشقى قۇتتىقتاۋدى ءوز ەلىمنىڭ «اۋماعىندا» الدىم. مەملەكەتىمىزدىڭ سىبايلاس جەمقورلىققا قارسى جۇرگىزىپ جاتقان رەفورمالارىن الەمدىك دەرجاۆا جوعارى باعالاپ جاتقانى، اسىرەسە، ول ىسكە ءوزىمنىڭ دە قاتىسىم بار ەكەنى قۋانتادى، - دەپ جازدى ديدار سماعۇلوۆ.
وسىعان دەيىن الماتى وبلىسىنىڭ سىبايلاس جەمقورلىقپەن كۇرەس قىزمەتى جۇزدەگەن بالاعا سىيلىق تابىستاعانى تۋرالى جازدىق.
