دەۆيد كەمەرون استاناعا رەسمي ساپارمەن كەلدى
استانا. KAZINFORM – ۇلى بريتانيا جانە سولتۇستىك يرلانديا قۇراما كورولدىگىنىڭ سىرتقى ىستەر، دوستاستىق جانە حالىقارالىق دامۋ ءمينيسترى دەۆيد كەمەرون استاناعا رەسمي ساپارمەن كەلدى.
بۇل تۋرالى ق ر سىرتقى ىستەر مينيسترلىگىنەن ءمالىم بولدى.
وسىعان دەيىن 24-25-ساۋىردە ۇلىبريتانيا جانە سولتۇستىك يرلانديا قۇراما كورولدىگىنىڭ سىرتقى ىستەر، دوستاستىق جانە حالىقارالىق دامۋ ءمينيسترى دەۆيد كەمەروننىڭ قازاقستان رەسپۋبليكاسىنا ساپارى وتەتىنى حابارلاندى.
استانادا د. كەمەرون مەملەكەت باسشىلىعىنىڭ قابىلداۋىندا بولىپ، پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋمەن كەلىسسوزدەر وتكىزەدى.
ساپار اياسىندا ساياسي، ساۋدا- ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرىن، سونداي- اق وزەكتى وڭىرلىك جانە حالىقارالىق تاقىرىپتاردى تالقىلاۋ جوسپارلانىپ وتىر.
ساپار قورىتىندىسى بويىنشا ءبىرقاتار ەكىجاقتى قۇجاتتارعا قول قويىلادى دەگەن جوسپار بار.
