«ديۋاني لۇعات ات- تۇرك» سوزدىگىنىڭ 950 جىلدىعى: ەلوردادا حالىقارالىق كورمە اشىلدى

كورمەدە ماحمۇد قاشقاريدىڭ سۋرەتتەرى، «ديۋاني لۇعات ات-تۇرك» ەڭبەگىنىڭ ەڭ جاقىن كوشىرمەسى، تۇرىك جانە قىرعىز تىلىندە ۇسىنىلعان ءتۇپنۇسقا، XI عاسىرداعى تۇرىك قوعامىن بەينەلەيتىن ەرلەر مەن ايەلدەردىڭ كيىمدەرى، سول كەزەڭنىڭ ءومىر سالتى مەن مادەني كورىنىسىن بەينەلەيتىن جادىگەرلەر ۇسىنىلدى.

- XI عاسىردا ۇلى عالىم ماحمۇد قاشقاري جازعان «ديۋاني لۇعات ات- تۇرك» ەڭبەگى تەك ادەبيەت ەسكەرتكىشى عانا ەمەس، تۇركى حالىقتارىنىڭ ايشىقتى بەينەسى. ءبىزدىڭ مادەنيەتىمىز بەن داستۇرلەرىمىزدىڭ، ۇرپاقتار ساباقتاستىعىنىڭ ايقىن كورىنىسى. وزدەرىڭىز بىلەتىندەي، يۋنەسكو شەڭبەرىندە 2024-2025-جىلدارى كىتاپتىڭ 950-جىلدىعى تويلاندى. بۇل ەڭبەك ورحون ەسكەرتكىشتەرىنەن كەيىنگى تۇركى مادەنيەتىنىڭ ەڭ ماڭىزدى ەسكەرتكىشى، - دەدى كورمەنى اشقان تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا.

ونىڭ ايتۋىنشا، بۇل كورمە وتكەن جىلى بىشكەك قالسىندا وتكەن تۇركى مەملەكەتتەرى ۇيىمى مەملەكەت باسشىلارىنىڭ Ⅺ سامميتى اياسىندا العاش رەت ۇيىمداستىرىلعان.

- 2024-جىلعى 13-جەلتوقساندا يۋنەسكو- نىڭ پاريجدەگى شتاب پاتەرىندە ارنايى كورمە مەن الەمدىك دەڭگەيدەگى جانە تۇركى دۇنيەسى عالىمدارىنىڭ باسىن قوسقان حالىقارالىق عىلىمي فونفەرەنتسيانى وتكىزدىك. سونىمەن قاتار كوشپەلى كورمە 2025-جىلى الەمنىڭ ءارتۇرلى مادەنيەت ۇيىمدارىندا كورسەتىلەتىنىن ەرەكشە اتاپ وتكىم كەلەدى، - دەدى اقتوتى راحمەتوللا قىزى.

ايتا كەتەيىك، وسى جيىندا ايدا بالايەۆا تۇركىستاندا رەستاۆراتورلار دايارلاۋدى ۇسىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى