دورەكىلىكپەن كۇرەسۋدىڭ 4 ءتاسىلى

ءبىر قىزىعى ءبىز ءومىر ءسۇرىپ جاتقان قوعامدا دورەكىلىككە تۇسىنىستىكپەن قارايدى. ارينە، ونى تۇسىنگەندىگىن سوزبەن جەتكىزبەيدى، بار بولعانى بولعان وقيعانى كوز جۇما قابىلدايدى. اتالعان ماتەريالىمىز «دورەكىلىك دەگەنىمىز نە؟» جانە «ونىمەن قالاي كۇرەسۋگە بولادى؟» سىندى سۇراقتارعا جاۋاپ بەرەدى.

دورەكىلىكتى ءبىر سوزبەن ايتىپ ءتۇسىندىرۋ مۇمكىن ەمەس، دەسە دە تىرىسىپ كورەيىك. ول ءۇشىن دورەكىلىكتىڭ بەلگىلەرىن جەكە دارا اجىراتىپ كورسەتەيىك:

1. وپپونەنتتىڭ تەمپەرامەنتىنە بايلانىستى قوعامدىق نەمەسە انونيمدى دورەكىلىك؛

2. اڭگىمەلەسۋشىمىزدىڭ جاندى جەرىنە ءتيۋ؛

3. ەنەرگەتيكالىق ۆامپيريزم (كەي جاعدايدا عانا)؛

4. تىلدىك نەمەسە قيمىل قوزعالىسقا ءتان بەلگىلەر.

دورەكىلىك - ادامنىڭ وزگەلەردەن جوعارىراق ەكەنىن كورسەتۋدىڭ ەڭ ناشار قۇرالى. ول ارنايى ءىس-ارەكەتتەر ارقىلى كورىنىس تابادى. ولار: ءسوز، قيمىل-قوزعالىس، جۇدىرىق الا جۇگىرۋ، سپەسيفيكالىق كوزقاراس جانە ناقتى قاساقانا جاسالعان ارەكەتتەر. قايسىسىنىڭ قولدانىلۋى سيتۋاسياعا بايلانىستى.

دورەكىلىك ءسوزىن عىلىمي سينونيم «جانۋارلارعا ءتان اۆتوماتيزم» تەرمينىمەن الماستىرۋعا بولادى. زەرتتەۋشىلەردىڭ پىكىرىنە جۇگىنسەك، دورەكىلىككە بوي الدىراتىن ادامدار مادەنيەت، ادامگەرشىلىك زاڭدارىن شەتكە ىسىرىپ ءوز مۇددەلەرى ءۇشىن جانىن اياماي كۇرەسەدى.

دورەكى ادامدار ادەتتە ءوزىنە-ءوزى تومەن باعا بەرەتىن، وتباسىندا دۇرىس تاربيە الماعان، پسيحولوگيالىق اۋىتقۋى بار، ۇستامسىز ادامدار.

دورەكىلىكپەن كۇرەسۋدىڭ جولدارى:

ونىمەن كۇرەسۋ نازىك جاندىلارعا قيىن سوعادى.

ءبىرىنشى ءتاسىل - وزىمىزگە باعىتتالعان دورەكىلىككە ءمان بەرمەۋ. مىسالى، بىرەۋ سىزگە قاتتى سوزدەر ايتىپ، ۇرىسىپ جاتسا، ءسىز جاي عانا ونىڭ كويلەگىندەگى تۇيمەشىكتەردى ساناڭىز. كوپ ۇزاماي ول ادام ءوزىنىڭ مونولوگ ايتىپ تۇرعانىن تۇسىنەدى. ءبىر قىزىعى دورەكى ادامدار دا سوزدەرىن جەلگە ۇشىرعىسى كەلمەيدى. نەمەسە سىزدەن نە سەبەپتى كيىمىنە قاراپ تۇرعانىڭىزدى سۇراۋى مۇمكىن. ال ءسىز بارىنشا شىنايى جاۋاپ قايتارىپ، كويلەگىندەگى تۇيمەشىكتەردى ساناپ تۇرعانىڭىزدى ايتىڭىز.

ەكىنشى ءتاسىل - «كۇلگىن تۇمان» تەحنيكاسى. بۇل تەحنيكانى ءامبەباپ دەپ اتاۋىمىزعا بولادى. ياعني ونى كەز كەلگەن جاستاعى دورەكىلىك تانىتۋشى ادامعا قارسى قولدانۋعا بولادى. ول ءۇشىن تۇسىنبەي ۇزاق ويلاناتىنداي سوزدەر ايتۋىڭىز كەرەك. بىرنەشە مىسال:

1) ادامداردىڭ بارلىعى ءارتۇرلى، اركىم ءوز قالاۋىمەن ءومىر سۇرەدى. وقيعا بىرەۋ بولعانمەن، ادامدارعا تۇرلىشە ارەكەت ەتەدى. ال سەنىڭ وسى ارەكەتىڭدى قالاي تۇسىنۋگە بولادى؟

2) مەنىڭ وسى كۇنگە دەيىن اتقارعان ەڭبەگىمنىڭ قايتارىمى ءدال قازىر انىقتالعانداي بولىپ تۇر.

3) تاۋاردىڭ باعاسى مەن ساپاسى ءارتۇرلى بولادى دەگەن وسى ەكەن عوي جانە ت.ب.

بۇل فرازالاردى قولدانۋ ءۇشىن دە وڭتايلى ءساتتى تاڭداپ، ءبىراز وزگەرىس ەنگىزۋىمىز كەرەك. ناتيجەسى ەڭبەگىمىزدى اقتايدى.

ءۇشىنشى ءتاسىل - ءازىل-قالجىڭدى ارالاستىرۋ.

دورەكىلىكتى كوڭىلىڭىزگە الماڭىز. اتامىز قازاق «تاسپەن اتقاندى اسپەن ات» دەپ بەكەر ايتپاسا كەرەك. بۇل ءتاسىلدى پايدالانار كەزدە اباي بولىڭىز. ونى تەك ءازىل قالجىڭدى تۇسىنەتىن ادامعا ايتقانىڭىز ءجون.

وسى ءادىستىڭ كومەگىمەن ونىڭ نازارىن باسقا جاققا بۇرىپ جىبەرە الاسىز. مىسالى، ايقايلاپ جاتقان ادامعا از كۇلىمسىرەپ: «ءبىر نارسە كۇيىپ-پىسىپ جاتقان سياقتى، سول ءسىز ەمەس پە؟» دەپ ايتىڭىز.

ءتورتىنشى ءتاسىل - تۇسىنىستىك تانىتۋ. بۇل جەردە ءسال سابىر ساقتاعانىڭىز ءجون. ءتاسىلدى جۇزەگە اسىرۋ ءۇشىن:

1) وپپونەنتتىڭ ءسوزىن بولمەي تىڭداڭىز؛

2) دورەكىلىك تانىتۋىنىڭ سەبەبىن انىقتاڭىز؛

3) ماسەلەنى شەشۋ ءۇشىن نە ىستەۋ كەرەك ەكەندىگىڭىزدى ويلاڭىز؛

4) قاتەلىگىڭىزدى ايتقانى ءۇشىن العىس ايتىڭىز.

ارينە، بۇل ءتاسىلدى دە ورنىمەن قولدانعانىمىز ءجون.

ومىردەن دورەكىلىك اتاۋلىسىن الىپ تاستاۋ مۇمكىن ەمەس، الايدا وسى سىندى تاسىلدەردىڭ كومەگىمەن ونىمەن كۇرەسەتىن قارۋىڭىز ءاردايىم جانىڭىزدا بولسىن.

ال ءسىز دورەكىلىكپەن قالاي كۇرەسەسىز؟

دايىنداعان: قارلىعا بۇيەنباي

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى