دونالد ترامپ وتكەن مەديتسينالىق تەكسەرۋدىڭ ناتيجەسى بەلگىلى بولدى

دونالد ترامپ پرەزيدەنت رەتىندەگى ەكىنشى مەرزىمى باستالعاننان بەرى العاشقى مەديتسينالىق تەكسەرۋدەن ءوتتى. ول مەريلەند شتاتىنداعى «ۋولتەر ريد» اسكەري اۋرۋحاناسىندا تەكسەرۋدەن ءوتىپ، بۇل پروتسەسس بەس ساعاتقا سوزىلدى.

وتكەن شىلدەدە جاسالعان شابۋىلدان كەيىن ترامپتىڭ «وڭ قۇلاعىندا وق تيگەن تىرتىق» قالعان.

- پرەزيدەنت ترامپتىڭ دەنساۋلىعى وتە جاقسى، وعان جۇرەك، وكپە جۇمىسى، نەۆرولوگيالىق جانە فيزيكالىق كۇيى دالەل، - دەلىنگەن ونىڭ دارىگەرى كاپيتان شون باربابەللانىڭ جەكسەنبى، 13 -ساۋىردە اق ءۇي تاراتقان مالىمدەمەسىندە.

ترامپ 78 جاسىندا قىزمەتكە كىرىسكەن ەڭ قارت پرەزيدەنت. ونىڭ الدىنداعى پرەزيدەنت دجو بايدەن قىزمەتىنەن كەتەر الدىندا 82 جاستا بولدى.

اۆتور

ەركەجان سماعۇلوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى