دونالد ترامپ ا ق ش- تىڭ ەنەرگەتيكالىق ۇستەمدىك كەڭەسىن قۇردى
استانا. KAZINFORM – ا ق ش پرەزيدەنتى دونالد ترامپ ەنەرگەتيكالىق ۇستەمدىك جونىندەگى ۇلتتىق كەڭەس قۇرۋ تۋرالى جارلىققا قول قويدى، دەپ جازادى ت ا س س.
اق ءۇي باسپا ءسوز قىزمەتىنىڭ حابارلاۋىنشا، ترامپ ەنەرگەتيكالىق ۇستەمدىك جونىندەگى ۇلتتىق كەڭەس قۇرۋ تۋرالى جارلىققا قول قويدى.
- بىزدە باسقا ەلدەرگە قاراعاندا ەنەرگيا رەسۋرسى كوبىرەك جانە ءبىز قازىر ولاردى بوساتىپ جاتىرمىز، - دەلىنگەن قۇجاتتا.
كەڭەستى ىشكى ىستەر ءمينيسترى داگ بەرگام باسقارادى. ونىڭ ورىنباسارى بولىپ ەنەرگەتيكا ءمينيسترى كريس رايت تاعايىندالادى.
- بۇل مۇمكىندىكتى اشۋىمىز كەرەك. ءبىز ونى امەريكا شىعاناعىنان الياسكاعا دەيىن اشۋىمىز قاجەت، - دەلىنگەن ا ق ش ىشكى ىستەر ءمينيسترى دۋگلاس بەرگامنىڭ باسپا ءسوز قىزمەتى حابارلاماسىندا.
Financial Post باسىلىمىنىڭ حابارلاۋىنشا، كەڭەس ا ق ش- تىڭ ەنەرگەتيكالىق ساياساتىن جۇرگىزۋگە جاۋاپتى بولادى. اتاپ ايتقاندا، ونىڭ مىندەتتەرىنە فەدەرالدى ۇكىمەتتىڭ ەنەرگەتيكالىق ساياساتىن بەلگىلەۋ جانە رۇقسات بەرۋ، سونداي-اق مۇناي، گاز، ەلەكتر ەنەرگياسىن جانە باسقا رەسۋرستاردى ءوندىرۋ مەن بولۋگە كۇش جۇمىلدىرۋعا كومەكتەسۋ كىرەدى.
ەسكە سالا كەتەيىك، بۇعان دەيىن مەكسيكا شىعاناعىنىڭ اتى «امەريكا شىعاناعى» دەپ وزگەرگەنى تۋرالى حابارلاعان بولاتىنبىز.
