دوللار 471,45 تەڭگەگە دەيىن ءوستى
قازاقستان قور بيرجاسىندا (KASE) كۇندىزگى ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى ءوستى، دەپ حابارلايدى قازاقپارات ءتىلشىسى.
اتاپ ايتقاندا، دوللار 1,67 تەڭگەگە قىمباتتاپ، 1 ا ق ش دوللارىنىڭ ورتاشا قۇنى 471,45 تەڭگەنى قۇرادى.
ۇلتتىق بانكتىڭ 19- قىركۇيەككە بەلگىلەگەن رەسمي باعامى - 1 دوللارعا 469,31 تەڭگە. رەسەي رۋبلىنىڭ ورتاشا سارالانعان قۇنى - 4,87 تەڭگە.
Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتەرىندە دوللار 470,5 تەڭگەدەن ساتىلىپ جاتىر، ساتىپ الۋ باعامى - 473,5 تەڭگە. ال استانا قالاسى بويىنشا ساتۋ باعامى - 469 تەڭگە، ساتىپ الۋ - 473 تەڭگە. رەسەي ءرۋبلى 4,81 - 4,95 تەڭگە ارالىعىندا ساۋدالانىپ جاتىر.
