دەپۋتات ءار ءتورتىنشى بالاعا 5 مىڭ دوللار تولەۋدى ۇسىندى
ءماجىلىس دەپۋتاتى گاۋحار تاناشيەۆا پرەمەر-مينيستر ءاليحان سمايىلوۆقا جولداعان ساۋالىندا ەلدەگى دەموگرافيالىق احۋالدى «وتباسى كاپيتالى» باعدارلاماسى ارقىلى جاقسارتۋدى ۇسىندى، دەپ حابارلايدى Kazinform.
«ەلىمىزدە 550 مىڭ كوپبالالى جانە ەرەكشە بالا تاربيەلەپ وتىرعان 107 مىڭ وتباسى بار. ولاردىڭ جارتىسىنان كوبى باسپاناسىز.
ءبىرىنشىسى، دەنساۋلىعىنا قوسىمشا قاراجات قاجەت، ەكىنشىسى، تۇرعىن ءۇي-تۇرمىستىق جاعدايىن جاساۋىمىز كەرەك. بىزدە قانشاما انالار بالالارىن جەتەكتەپ نە ءۇي الا الماي، نە بالا ەمىنە اقشا تاپپاي ءجۇر.
قازىرگى ءبىزدىڭ ەلىمىزدە بولىپ جاتقان ماسەلەلەردىڭ بارلىعى وسى جوقشىلىقتىڭ كەسىرىنەن. قانشاما اتا-انالار وسىلاي تابىس تابۋ ءۇشىن بىرنەشە جۇمىستا ىستەپ بالالارىن ۇيدە قاراۋسىز قالدىرۋعا ءماجبۇر»، - دەدى دەپۋتات.
سونداي-اق، ول 32 جىلدا قازاقستان حالقىنىڭ سانى 4 ميلليونعا عانا وسكەنىن پروبلەما ءوتىپ كوتەردى.
«قازاقستان حالىق پارتياسى فراكسياسىنىڭ دەپۋتاتتارى وتباسىندا ءتورتىنشى بالا تۋعاندا نەمەسە وتباسىدا ەرەكشە بالا بولسا، 5000 ا ق ش دوللارى، ياعني 2 ميلليون 300 مىڭ تەڭگە مولشەرىندە «وتباسىلىق كاپيتال» باعدارلاماسىن ىسكە قوسۋدى ۇسىنادى.
بۇل كاپيتال ءۇش باعىتتا جۇمسالۋى جوسپارلانادى. ءبىرىنشى، ءۇيسىز جۇرگەن وتباسىلارىمىز باسپانالى بولۋ مۇمكىندىگى پايدا بولادى. ەكىنشىسى، ءبىلىم الا الماي جۇرگەن كوپبالالى وتباسىنان شىققان بالالاردىڭ ارمانى ورىندالادى. ۇشىنشىدەن، بۇل قاراجاتتى وتباسىلار بالالارىنىڭ دەنساۋلىعىن جاقسارتۋعا قولدانا الادى.
«وتباسىلىق كاپيتال» سياقتى مەملەكەتتىك قولداۋدىڭ مۇنداي جۇيەسىن ەنگىزۋ ەلىمىزدە حالىق سانىن ايتارلىقتاي ارتتىرادى جانە قيىن جاعدايعا تاپ بولعان وتباسىلارعا قاي جاعىنان بولسا دا ناقتى كومەك بولادى»، - دەدى گاۋحار تاناشيەۆا.
