«درۋجبا» قۇبىرىنداعى اقاۋ: قازاقستاندىق مۇنايدى باسقا جەلى ارقىلى تاسىمالداپ جاتىر

- 2024 -جىلعى 1 -جەلتوقساندا پنيەۆى قالاسى ماڭىندا «درۋجبا» جۇيەسى قۇبىرىنىڭ باتىس بولىگىندە، شۆەدت مۇناي وڭدەۋ زاۋىتىنا جەتكىزىلەتىن مۇنايدىڭ توگىلۋى انىقتالدى. زاقىمدالعان جەلى بويىنشا مۇناي تاسىمالداۋ توقتاتىلدى. مۇناي جەتكىزۋ ەكىنشى جەلى ارقىلى جالعاستى. ەكىنشى جەلىنىڭ تەحنيكالىق مۇمكىندىكتەرى مۇناي ايداۋدى تولىق كولەمدە قامتاماسىز ەتەدى، - دەلىنگەن حابارلامادا.

اقپاراتتا ايتىلعانداي، 2024 -جىلدىڭ قاراشا ايىنىڭ قورىتىندىسى بويىنشا اتالعان باعىتتا قازاقستاندىق مۇنايدى جەتكىزۋ كەستەگە سايكەس تولىق ورىندالدى.

- جەلتوقسان ايىنا جوسپارلانعان مۇناي جەتكىزۋ 2024 -جىلعى 20-30 -جەلتوقسان ارالىعىندا جۇزەگە اسادى دەپ كۇتىلۋدە، - دەيدى مينيسترلىكتەن.

بۇعان دەيىن قازاقستاندىق مۇناي وتەتىن «درۋجبا» قۇبىرىندا اقاۋ شىققانى تۋرالى حابارلاعان ەدىك.

جانارمايدىڭ اعۋى «درۋجبا» قۇبىرىنىڭ پولشانىڭ باتىسىنداعى پنيەۆى قالاسىنىڭ ماڭىنداعى ۋچاسكەسىندە بولدى. وقيعا كەزىندە ءورت نەمەسە جارىلىس قاۋپى تىركەلمەگەن.

ايتا كەتەيىك، قازاقستاندىق مۇناي ەكسپورتى ءداستۇرلى تۇردە رەسەي اۋماعى ارقىلى كاسپي قۇبىر كونسورتسيۋمىنىڭ نوۆوروسسييسكىگە دەيىنگى قۇبىر جۇيەسى ارقىلى جۇزەگە اسىرىلادى. رەسەي مەن پولشا ارقىلى گەرمانياعا «درۋجبا» قۇبىرى ارقىلى جەتكىزۋ 2023 -جىلدىڭ اقپان ايىنىڭ سوڭىندا باستالدى. قازاقستان مۇنايى قۋاتتىلىعى 2 ميلليون باررەل قۇبىردىڭ سولتۇستىك تارماعى ارقىلى وتەدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى