دەموگراف قازاقستاندا بالا تۋۋ دەڭگەيىنىڭ تومەندەۋى مۇمكىن ەكەنىن ايتتى

قازاقستاندىق دەموگراف اياۋلىم ساعىنبايەۆا Inbusiness.kz سايتىنا بەرگەن سۇحباتىندا ەلدەگى بالا تۋۋ كورسەتكىشىنە قاتىستى ءوز ويىمەن ءبولىستى.

ونىڭ ايتۋىنشا، بۇعان ارنايى ەسەپتەۋلەر قاجەت. دەگەنمەن، ماماننىڭ سوزىنشە، 2021، 2020 -جىلدارى بولعان بەيبي-بۋم، قازىر دۇنيەگە كەلگەندەردىڭ كوپ ۇلەسى ءۇشىنشى، ءتورتىنشى، بەسىنشى بالالاردى دۇنيەگە اكەلۋشىلەرمەن بايلانىستى بولىپ وتىر.

«بۇل نەگىزىنەن 1980 -جىلداردا تۋعان ازاماتشالاردىڭ ەسەبىنەن قالىپتاستى. ءبىز بالا تۋۋ دەڭگەيى تومەندەيدى دەپ قاراستىرامىز، سەبەبى بەلسەندى رەپرودۋكتيۆتى جاستاعىلاردىڭ سانى از. سونىمەن قاتار 1980 -جىلعا قاراعاندا وزگەشە رەپرودۋكتيۆتى كوزقاراسى بار 1990 -جىلدارداعى ازاماتشالارىمىز العاش رەت بوسانعاندار بولىپ وتىر. سوندىقتان كەيىنگى 2000 -جىلعى ۇرپاقتىڭ كوزقاراسىن الىپ قاراساق، ولار ءبىلىم مەن عىلىمعا، ءوزىن دامىتۋعا كوبىرەك كوڭىل بولگەندىكتەن، تۋۋ دەڭگەيىنىڭ تومەندەۋ ىقتيمالدىعى جوعارى»، - دەدى دەموگراف.

دەگەنمەن، مامان ءتۇرلى جاعدايلار بولۋى مۇمكىن ەكەنىن دە جوققا شىعارمايدى.

«مىسالى، الەمدىك دەموگرافتار قازاقستاندا بالا تۋۋ دەڭگەيى 2018 -جىلدان باستاپ تومەندەيدى دەپ بولجام جاساعان بولاتىن. دەسەك تە، قازاقستان پاندەميا كەزىندە وتە جوعارى دەموگرافيالىق ءدۇمپۋدى كورسەتتى. وسىلايشا تۋۋدىڭ جيىنتىق كوەففيسيەنتى 3,3 كە دەيىن باردى»، - دەدى اياۋلىم ساعىنبايەۆا.

Informburo.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى