دەمالىسقا كەتكەن ايەلدىڭ ءۇيىن جۇمىسشىلار قاتەلەسىپ ءسۇرىپ تاستاعان

Kazinform بۇل تۋرالى The Guardian باسىلىمىنا سىلتەمە جاساپ حابارلايدى.

سيۋزان حودجسون Associated Press باسىلىمىنا بەرگەن سۇحباتىندا وتكەن ايدا دەمالىستان كەلىپ، بۇرىن ءۇيى بولعان جەر ۇيىندىگە اينالعانىن كورگەن.

«اشۋلانىپ تۇرمىن. ۇنەمى مۇنىڭ ءبارى ءازىل شىعار دەپ ويلايمىن. ەسەڭگىرەپ قالدىم»، - دەيدى حودجسون.

ءۇي يەسىنىڭ ايتۋىنشا، وعان كورشىسى حابارلاسىپ بوس ءۇيدى سۇرۋگە ادام جالدادىڭ با دەپ سۇراپتى.

حودجسون «جوق» دەپ جاۋاپ بەرسە، كورشىسى «جاڭا عانا بىرەۋ سەنىڭ ءۇيىڭدى ءسۇرىپ كەتتى» دەپ حابار بەرگەن.

سودان كەيىن كورشىسى جۇمىسشىلارمەن سويلەسىپ، سۇرۋگە رۇقسات بەرەتىن قاعازدى كورۋ ءۇشىن سول ۇيگە بارعان. سويتسە، ولار مەكەنجايدان قاتەلەسكەن بولىپ شىعادى.

ءۇي يەسىنىڭ ايتۋىنشا، 15 جىلدان بەرى وندا ەشكىم تۇرمايدى. ءبىراق كوگال تەگىستەلىپ، اۋلا تازالانىپ، سالىق ۋاقتىلى تولەنەدى.

حودجسون پوليتسياعا ارىز جازىپ، ادۆوكاتتارمەن سويلەسكەنىن ايتتى، ءبىراق جاعداي ازىرگە وزگەرىسسىز بولىپ تۇر.

سۇرۋگە جاۋاپتى كومپانيا وكىلدەرى ءۇي يەسىمەن بايلانىسقا شىقپاعان.

كومپانيا WAGA- TV تەلەارناسىنا بەرگەن مالىمدەمەسىندە وقيعانى تەرگەپ جاتقانىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى