دجوردان روسس بەلفورت: بايۋدىڭ ەڭ قاراپايىم جولدارى

جولى بولعان ادامدار ءوز تاعدىرىن باقىلاي الاتىنىنا، جاعدايلارعا تاۋەلسىز ەكەندىگىنە 100 پايىز سەنىمدى. سەبەبى، ولار جاعدايدىڭ ءبارىن وزدەرى جاسايدى، ۇناماسا وزگەرتۋ دە ءوز قولدارىندا.

**

باي بولعىڭ كەلسە، ءوزىڭدى سوعان بەيىمدە. نەگە كەدەي ەكەنىڭدى ويلاۋدى دوعار. جاڭاشا ويلاۋعا، نە نارسە سەنى بايلىققا كەنەلتەتىنىن ويلاۋعا كوش.

* *

سەنىڭ جانە ماقساتىڭنىڭ اراسىندا تۇرعان ءبىر-اق نارسە بار، ول نەلىكتەن ماقساتقا جەتە المايتىنىڭ تۋرالى وي. سول بىقسىق وي باسىڭنان شىر اينالىپ شىقپايدى.

* *

سەنىڭ بۇعان دەيىن كىم بولعانىڭ، نە ىستەگەنىڭ ماڭىزدى ەمەس. سەن - وتكەن شاعىڭ ەمەسسىڭ. سەن وسىعان دەيىن جيعان تاجىريبەڭ مەن قابىلەتتەردىڭ قوسىندىسىسىڭ. بولاشاق وزگەرىستەرگە نەگىز بولاتىن دا سول.

* *

بايلىققا كەنەلۋدىڭ ەڭ قاراپايىم جولى - جۇرتتىڭ ءبارى يەلەنگىسى كەلەتىن ءبىر باعالى نارسەنى ويلاپ تابۋ. جۇرتقا سونى بەرسەڭ - اقشا اۆتوماتتى تۇردە پايدا بولادى.

* *

باي بولعىڭ كەلسە، ەشقاشان مويىما. ادامدارعا مويىنسۇنۋ قاسيەتى ءتان. بىربەتكەيلىگىڭنىڭ ارقاسىندا سەن كونبىس كوپشىلىكتىڭ اراسىنان وزىپ شىعاسىڭ...

* *

ءبىر نارسەنى جاساۋ كەزىندە تاقىرعا وتىرىپ قالۋىڭ مۇمكىن. ءبىراق بۇل سەنىڭ السىزدىگىڭ ەمەس، تاجىريبەڭنىڭ جەتكىلىكسىزدىگى. باسقاشا تۇرعىدان تاعى دا تىرىسىپ كور، ءبىر كۇنى مىندەتتى تۇردە جولىڭ بولادى. قاتەلىكتەر - سەنىڭ دوسىڭ.

* *

ومىرلىك قۇندىلىقتارىڭ تۇككە تۇرعىسىز بولعان كەزدە، جولىڭدا كەزدەسكەن ادامداردىڭ بارىنە كەسىرىڭدى تيگىزەسىڭ. اسىرەسە، ءوزىڭ جاقسى كورەتىن ادامدارعا.

* *

ەگەر ادامدارعا «نە ءۇشىن» ەكەنىن تۇسىندىرسەڭ، ولار «قالاي جاساۋدىڭ» جولىن مىندەتتى تۇردە تابادى.

* *

بايىپ كەتكەن ادام سياقتى ارەكەت ەت، سوندا شىن مانىسىندە بايىپ كەتەسىڭ. وزىڭە سەنىمدى بول، سوندا ادامدار ساعان سەنەدى. تاجىريبەڭنىڭ مول ەكەنىن كورسەت، سوندا ادامدار سوڭىڭنان ەرەدى. تولىق سەنىممەن ايتا الامىن - بۇگىن، قازىر جولى بولعان ادام سياقتى ارەكەت ەتسەڭ، مىندەتتى تۇردە جولىڭ بولادى.

ازىرلەگەن ايزەرە سامارقان

aynaline.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى