دجو بايدەن كونگرەس قابىلداعان ۋاقىتشا بيۋجەت تۋرالى زاڭ جوباسىنا قول قويدى

اق ءۇي سايتىنداعى مالىمەتكە سەنسەك، ا ق ش پرەزيدەنتى بۇل زاڭ جوباسىنا شاتداۋن — ۇكىمەت جۇمىسىنىڭ ۋاقىتشا توقتاپ قالۋىنا جول بەرمەس ءۇشىن قول قويعان.

بۇعان دەيىن، اتاپ ايتقاندا سەنبىگە قاراعان ءتۇنى زاڭ جوباسىن سەنات ماقۇلداعان ەدى: 85 دەپۋتات قولداپ داۋىس بەرگەن. ودان بۇرىن كونگرەستىڭ تومەنگى پالاتاسىندا دا داۋىس بەرۋ جۇرگىزىلدى. وكىلدەر پالاتاسىنىڭ 366 مۇشەسى زاڭ جوباسىن قولدايتىنىن بىلدىرگەن.

قابىلدانعان زاڭ ۇكىمەتتى ناۋرىز ايىنىڭ سوڭىنا دەيىن قارجىلاندىرۋدى، تابيعات اپاتى بولعان جاعدايدا زارداپ شەگۋشىلەرگە بەرۋ ماقساتىندا 100 ميلليارد دوللار، سونداي-اق اۋىل شارۋاشىلىعى سالاسىنداعى كاسىپكەرلەرگە قولداۋ كورسەتۋ ءۇشىن 10 ميلليارد دوللار ءبولۋدى كوزدەيدى.

ۇكىمەت جۇمىسىنىڭ توقتاۋى كوپتەگەن مەملەكەتتىك قىزمەتتەردىڭ تىزبەگىن بۇزار ەدى. قۇقىق قورعاۋ ورگاندارى، اقش- تىڭ ۇلتتىق پاركتەر قىزمەتى توقتاپ، ميلليونداعان فەدەرالدىق قىزمەتشىگە جالاقى بەرىلمەي قالار ەدى.

تۋريزم سالاسىنداعى U. S. Travel Association قاۋىمداستىعى ۇكىمەت جۇمىسىنىڭ توقتاۋى اۋە جەلىلەرى، قوناق ۇيلەر جانە وزگە دە كومپانيالارعا اپتاسىنا 1 ميلليارد دوللار شىعىن اكەلىپ، روجدەستۆو قارساڭىندا حالىقتى تىعىرىققا تىرەۋى ىقتيمال بولعانىن مالىمدەدى.

تاريحتا ا ق ش ۇكىمەتى جۇمىسىنىڭ ەڭ ۇزاق ءۇزىلىسى 2018-جىلدىڭ جەلتوقسانى مەن 2019-جىلدىڭ قاڭتارى ارالىعىندا بولىپ، 34 كۇنگە سوزىلعان. ول كەزدە ترامپ اقش پەن مەكسيكانىڭ اراسىندا توسقاۋىل قابىرعا سالۋعا كەمى بىرنەشە ملرد دوللار ءبولۋ قاراستىرىلماعان كەز كەلگەن قارجى ءبولۋ تۋرالى زاڭ جوباسىنا قول قويۋدان باس تارتقان بولاتىن.

ەسكە سالساق، وسىعان دەيىن ترامپ كانادانى 51-شتات ەتىپ قالىپتاستىرۋ يدەياسىن العا تارتىپ وتىرعانى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى