قىتايدا Disneyland-كە كەلگەن 30 مىڭنان استام ادام وقشاۋلاندى
شانحاي بيلىگى Disneyland-تەن ۇيىنە ورالعان كەلۋشىلەردىڭ بىرىنە COVID-19 دياگنوزى قويىلعانى تۋرالى حابارلاما العان. وسىدان كەيىن ساياباق باسشىلىعى بىردەن ونى جابۋدى بۇيىردى، ال ونداعىلارعا كوروناۆيرۋسقا تەستىلەۋ تاپسىرىلدى.
ساياباققا پوليتسيا مەن دارىگەرلەر كەلىپ، موبيلدى تەستىلەۋ پۋنكتتەرىن ورنالاستىردى.
30 مىڭنان استام ەرەسەكتەر مەن بالالار ساياباقتان سىناقسىز شىعارىلمايتىندىقتان ءوز كەزەگىن كۇتكەن، كەيبىرەۋلەرىنە بىرنەشە ساعات كۇتۋگە تۋرا كەلگەن.
شانحاي بيلىگى Disneyland-تە كوروناۆيرۋسقا تاپسىرعان تەستىلەۋدەن بارلىعى 33863 ادام وتكەنىن، بارلىق ناتيجەلەر تەرىس شىققانىن ايتتى. ادامدارعا 14 كۇننەن كەيىن قايتا تەستىلەۋ ۇسىنىلدى.
قىتاي ۇكىمەتى ينفەكسيانىڭ ەلگە ەنۋىنە جول بەرمەۋگە تىرىسىپ جاتقانى جانە ىندەت پايدا بولعان جاعدايدا جۇقتىرعان ادامداردى تەز وقشاۋلاۋعا تىرىساتىنى ايتىلىپ ءجۇر. مەملەكەتتىك نۇسقاۋلاردى ورىنداماعان ادامدار ادەتتە قىزمەتىنەن بوساتىلادى نەمەسە تۇزەۋ جۇمىستارىمەن جازالانادى.
