پەداگوگتەردى اتتەستاتتاۋدى اۆتوماتتاندىرۋ: ۇلتتىق پلاتفورما ازىرلەنىپ جاتىر
پەداگوگتەردى اتتەستاتتاۋعا جانە بىلىكتىلىكتى ارتتىرۋ جۇيەسىنە قويىلاتىن تالاپتار قايتا قارالىپ جاتىر، دەپ حابارلايدى ق ر وقۋ- اعارتۋ مينيسترلىگىنىڭ باسپا ءسوز قىزمەتى.
ۇلتتىق پلاتفورما نەگىزىندە مۇعالىمدەردى اتتەستاتتاۋ پروتسەسى اۆتوماتتاندىرىلادى. بۇل - وبەكتيۆتىلىك پەن اشىقتىقتى ايتارلىقتاي ارتتىرادى. ەندى ءمۇعالىمنىڭ قىزمەتى تۋرالى بارلىق اقپارات ونىڭ جەكە كابينەتىندە جيناقتالادى.
«مۇعالىمنىڭ ەڭبەگى وقۋشىنىڭ جەتىستىگىمەن باعالانۋى كەرەك. شاكىرتتەرى شىڭعا شىققان پەداگوگتەر ءتيىستى ايلىعى مەن ماراپاتىن الۋى ءتيىس. تاعى ءبىر ايتا كەتەتىن جايت، ۇستازدىق قىزمەتكە العاش كەلگەندەردىڭ نەمەسە جۇمىس وتىلىندە ءۇزىلىسى بار پەداگوتەردىڭ ساناتى ولاردىڭ پايداسىنا قايتا قارالادى. ۇلتتىق پلاتفورما ارقىلى پەداگوگتەردى جۇمىسقا قابىلداۋ ءراسىمىن تولىق اۆتوماتتاندىرۋ جوسپارلانۋدا. ءبىز بالا وقىتۋعا جان- تانىمەن بەرىلگەن، مىقتى، ءوز ىسىنە جاۋاپتى ۇستازداردى تارتۋ ءۇشىن بار جاعدايدى جاساۋىمىز كەرەك"، - دەدى وقۋ- اعارتۋ ءمينيسترى عاني بەيسەمبايەۆ ش ق و تۇرعىندارىمەن كەزدەسۋدە.
2024 -جىلدىڭ قاڭتارىندا پلاتفورما شىعىس، باتىس، سولتۇستىك جانە تۇركىستان وبلىستارىندا پيلوتتىق رەجيمدە ىسكە قوسىلماق.
