داستان ساتپايەۆ قازاقستان فۋتبولى تاريحىندا رەكورد ورناتتى

داستان ساتپايەۆ فۋتبولدان 2026 -جىلعى الەم چەمپيوناتىنىڭ ىرىكتەۋ تۋرنيرىندە ۋەلسپەن وتكەن ماتچتا 74-مينۋتتا الاڭعا شىقتى.

ول 16 جاس 7 ايعا تولعان مەرزىمدە قازاقستان ۇلتتىق قۇراماسى ساپىندا العاشقى ويىنىن وتكىزىپ، رەكورد ورناتتى.

بۇدان بۇرىن ۇزدىك كورسەتكىش جامبىل كوكەيەۆكە (17 جاس 4 اي) تيەسىلى ەدى.

«قايرات» فۋتبول اكادەمياسىنىڭ تۇلەگى 2024 -جىلدىڭ قاراشا ايىندا لوندوندىق «چەلسي» كلۋبىندا قارالىمنان ءوتتى. بيىل اقپاندا «چەلسي» ونى 4,3 ميلليون ەۋروعا ساتىپ الدى، بۇل قازاقستان فۋتبولى تاريحىندا رەكورد بولىپ ەسەپتەلەدى. كەلىسىمشارت 5 جىلعا ەسەپتەلگەن. ءبىراق 18 جاسقا تولعانشا داستان «قايراتتا» قالادى.

بيىل 2-ناۋرىزدا داستان ساتپايەۆ «استانامەن» وتكەن ويىندا 37-مينۋتتا جاراقات العان ەلدەر سانتانانىڭ ورنىنا شىعىپ، قازاقستان چەمپيوناتىنداعى العاشقى گولىن سوعىپ، تارازى باسىن تەڭەستىردى.

داستان ساتپايەۆ - سونداي-اق 17 جاسقا دەيىنگىلەر اراسىندا قازاقستان ۇلتتىق قۇراماسىنىڭ كاپيتانى.

ەسكە سالا كەتەيىك، بۇدان بۇرىن قازاقستان - ۋەلس ماتچىندا ءبىرىنشى تايمدا اسحات تاعىبەرگەننىڭ تارازى باسىن تەڭەستىرگەنىن جازعان بولاتىنبىز.

فۋتبولدان الەم چەمپيوناتىنىڭ ىرىكتەۋ تۋرنيرىندە قازاقستان ۋەلس كومانداسىنا ەسە جىبەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى