دارىگەرلەر كوستەنكو شاحتاسىندا جاپا شەككەن كەنشىلەردىڭ جاعدايى تۋرالى ايتتى
پروفەسسور ح. ج. ماقاجانوۆ اتىنداعى اۋرۋحانالارعا 18 ادام جەتكىزىلدى. ءبىر ادام رەانيماتسيادا جاتىر، دەپ حابارلايدى kazinform.
بارلىق زارداپ شەككەندەرگە مەديتسينالىق كومەك كورسەتىلۋدە.
«ارلىق قاجەتتى مامانداردى تارتا وتىرىپ، كونسيليۋم وتكىزىلدى.
15 ادام وڭتۇستىك-شىعىس شاعىن اۋدانىنداعى ح. ج. ماقاجانوۆ كلينيكاسىنا كومىرتەگى توتىعىمەن ۋلانۋ بەلگىسىمەن ءتۇستى. بىرەۋى اۋىر دارەجەدە كومىرتەگى توتىعىمەن ۋلانۋ، قالعاندارى جەڭىل جانە ورتاشا دارەجەدە ۋلانۋ دياگنوزىمەن اۋرۋحاناعا جاتقىزىلدى. ەكەۋى ميحايلوۆكاداعى ح. ج. ماقاجانوۆ كلينيكاسىنا ءتۇستى: بىرەۋى رەانيماتسيادا اۋىر جاعدايدا، ەكىنشىسى وپەراتسيادان كەيىن تراۆماتولوگيا بولىمىندە جاتىر.
سونىمەن، ستاتسيونارعا 17 ادام جاتقىزىلدى، ءبىر ادام امبۋلاتوريالىق ەمدەلۋگە جىبەرىلدى»، - دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.
ايتا كەتەيىك، بۇگىن تاڭەرتەڭ كوستەنكو اتىنداعى شاحتادا ءورت بولىپ، 11 ادام كوز جۇمعانىن، ءارتۇرلى دارەجەدەگى جاراقاتتارمەن اۋرۋحاناعا 18 ادام جەتكىزىلگەنىن جازعان ەدىك.
ارتىنشا تاعى بەس كەنشىنىڭ دەنەسى تابىلىپ، قۇربان بولعاندار سانى 16 عا جەتتى.
ق ر پرەزيدەنتى قاسىم-جومارت توقايەۆ قازا تاپقان كەنشىلەردىڭ تۋعان-تۋىستارى مەن جاقىندارىنا كوڭىل ايتتى.
سونداي-اق، پرەزيدەنت ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى.
ودان بولەك، ق ر باس پروكۋراتۋراسى كوستەنكو اتىنداعى شاحتاداعى ءورت فاكتىسى بويىنشا تاۋ- كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك قاعيدالارىن بۇزۋ بابى بويىنشا سوتقا دەيىنگى تەرگەپ- تەكسەرۋ باستالعانىن حابارلادى.
