دارىگەر شايدىڭ ءبىر تاۋلىكتەگى قاۋىپسىز مولشەرىن اتادى

دارىگەر بۇل سۋسىننىڭ ادام اعزاسىنا تاۋلىگىنە رۇقسات ەتىلەتىن قاۋىپسىز مولشەرىن انىقتادى، - دەپ حابارلايدى Lenta.ru سايتى.

مامان شايدىڭ ادام اعزاسىنا اسەرى جايلى ءبولىستى. دارىگەردىڭ سوزىنشە شايدى بەي-بەرەكەت ىشە بەرۋگە بولمايدى.

شايدى قانشا مولشەردە ىشۋگە بولادى؟

قارا جانە جاسىل شاي - كۇنىنە 3-5 كەسە (600-900 م ل) ىشۋگە بولادى.

اق جانە وولونگ شايلارى - قۇرامىنداعى كوفەين مولشەرى تومەن بولعاندىقتان، كۇنىنە 6 كەسە (1,2 ليتر) ىشۋگە رۇقسات.

ءشوپ شايلارى - قۇرامىنا بايلانىستى نورماسى ءارتۇرلى. تۇيمەداق شايىن شەكتەۋسىز ىشۋگە بولادى، ال جالبىز شايىن از مولشەردە تۇتىنعان ءجون، ويتكەنى ول قان قىسىمىن تومەندەتۋى مۇمكىن.

شايدى شامادان تىس تۇتىنۋدىڭ قاۋپى

كوفەيننىڭ كوپتىگى ۇيقىسىزدىق پەن مازاسىزدىق تۋدىرۋى مۇمكىن.

مىسالى، كۇشتى قارا شايدا 90 م گ كوفەين بار، ال ءبىر كەسە ەسپرەسسودا 80 م گ كوفەين بولادى.

شاي تەمىر تاپشىلىعىنا اكەلۋى مۇمكىن

ونىڭ قۇرامىنداعى تانيندەر تەمىردىڭ سىڭۋىنە كەدەرگى كەلتىرەدى. سوندىقتان شايدى تاماقتان كەيىن بىردەن ىشپەي، بىرنەشە ساعاتتان كەيىن ءىشۋ ۇسىنىلادى.

شامادان تىس شاي ءىشۋ بۇيرەككە زيان كەلتىرۋى مۇمكىن

سونداي-اق دارىگەر شايدى شامادان تىس ءىشۋ بۇيرەكتىڭ جۇمىسىنا كەدەرگى كەلتىرۋى مۇمكىن دەيدى.

«شاي قۇرامىنداعى كەيبىر زاتتار بۇيرەكتە تاس تۇزىلۋىنە سەبەپ بولۋى مۇمكىن، سوندىقتان بۇيرەك اۋرۋى بار ادامدارعا اسىرەسە جاسىل شايدان باس تارتقان ءجون» دەپ قوستى مامان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى