دارحان ساتىبالدى الماتى قالاسىنىڭ اكىمى بولىپ تاعايىندالدى

- مەملەكەت باسشىسىنىڭ جارلىعىمەن دارحان امانگەلدى ۇلى ساتىبالدى الماتى قالاسىنىڭ اكىمى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، - دەلىنگەن حابارلامادا.

دارحان ساتىبالدى 1974 -جىلى وڭتۇستىك قازاقستان وبلىسىندا تۋعان.

س. سەيفۋللين اتىنداعى اقمولا اۋىلشارۋاشىلىعى ينستيتۋتىن، قازاق گۋمانيتارلىق زاڭ ۋنيۆەرسيتەتىن بىتىرگەن. ەكونوميكا عىلىمدارىنىڭ كانديداتى.

ەڭبەك جولىن 1996 -جىلى وڭتۇستىك قازاقستان وبلىسىنىڭ كەلەس اۋدانىنىڭ «كەلەس» كوممۋنالدىق كاسىپورنىندا باستاعان.

2000-2006 -جىلدارى قارجى مينيسترلىگىندە، پرەزيدەنتتىڭ ءىس باسقارماسىندا ءارتۇرلى لاۋازىمداردا قىزمەت اتقارعان.

2007-2010 -جىلدارى ءبىلىم جانە عىلىم مينيسترلىگىنىڭ بيۋدجەت جانە قارجى دەپارتامەنتتەرى ديرەكتورىنىڭ ورىنباسارى، عىلىم كوميتەتى ءتوراعاسىنىڭ ورىنباسارى بولعان.

2010 -جىلى ۇلتتىق قاۋىپسىزدىك كوميتەتىنىڭ دەپارتامەنت باستىعى لاۋازىمىنا تاعايىندالعان.

2011-2013 -جىلدارى پرەمەر-مينيستر كەڭسەسىنىڭ الەۋمەتتىك- ەكونوميكالىق ءبولىمى مەڭگەرۋشىسىنىڭ ورىنباسارى لاۋازىمىن اتقارعان.

2013 -جىلى شىمكەنت قالاسىنىڭ اكىمى بولىپ تاعايىندالعان.

2015-2017 -جىلدارى وڭتۇستىك قازاقستان وبلىسى اكىمىنىڭ ءبىرىنشى ورىنباسارى لاۋازىمىن اتقارعان. پارلامەنت سەناتىنىڭ دەپۋتاتى بولىپ سايلانعان.

2019 -جىلعى ناۋرىزدان باستاپ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى.

2022 -جىلعى 31-تامىزدان تۇركىستان وبلىسىنىڭ اكىمى بولىپ تاعايىندالدى.

دارحان ساتىبالدى تۇركىستان وبلىسى اكىمى لاۋازىمىندا نەسىمەن ەستە قالعانىن جازعان بولاتىنبىز.

بيىل، 2025 -جىلعى قاڭتاردا ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى.

«ەرەن ەڭبەگى ءۇشىن» مەدالىمەن، «قۇرمەت» وردەنىمەن ماراپاتتالعان.

مەملەكەت باسشىسىنىڭ جارلىعىمەن ەربولات دوسايەۆ الماتى قالاسىنىڭ اكىمى لاۋازىمىنان بوساتىلعانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى