دانيا ترامپ اكىمشىلىگىن قوقان-لوققى كورسەتۋدى دوعارۋعا شاقىردى

- بىزگە گرەنلانديا قاجەت، - دەدى دونالد ترامپ جەكسەنبى كۇنى The Atlantic باسىلىمىنا بەرگەن سۇحباتىندا.

ا ق ش پرەزيدەنتى جانە ونىڭ ساياسي وداقتاستارى گرەنلانديا ا ق ش ۇلتتىق قاۋىپسىزدىگى ءۇشىن ماڭىزدى دەپ مالىمدەيدى، ءبىراق ۆەنەسۋەلا كوشباسشىسى نيكولاس مادۋرونىڭ تۇتقىندالۋىنان كەيىن بۇل ماسەلە ۋشىعىپ كەتتى.

اق ءۇيدىڭ اعا كەڭەسشىسى ستيۆەن ميللەردىڭ ايەلى كەتي ميللەر X الەۋمەتتىك جەلىسىندە امەريكا تۋى تۇستەس گرەنلانديا كارتاسىن جاريالادى. استىنا «تاياۋدا» دەگەن جازبا قالدىرعان.

وعان جاۋاپ رەتىندە دانيا پرەمەر- ءمينيسترى مەتتە فرەدەريكسەن ءوزىنىڭ رەسمي ۆەب- سايتىندا مالىمدەمە جاريالادى.

- مەن مۇنى تىكەلەي ا ق ش- قا قاراتىپ ايتۋىم كەرەك. ا ق ش گرەنلانديانى باسىپ الۋى كەرەك دەپ ايتۋدىڭ ەشقانداي ءمانى جوق. ا ق ش- تىڭ دوستاستىق ەلدەرىنىڭ ەشقايسىسىن اننەكسيالاۋعا قۇقىعى جوق، - دەدى مەتتە فرەدەريكسەن.

ول دانيا مەن گرەنلانديانىڭ ناتو مۇشەلەرى رەتىندە وداقپەن قورعالاتىنىن جانە ا ق ش تاراپىنان جاسالعان قورعانىس كەلىسىمى ەلگە «گرەنلاندياعا كەڭ قولجەتىمدىلىك» بەرەتىنىن اتاپ ءوتتى.

پرەمەر- مينيستر سونىمەن قاتار دانيانىڭ اركتيكا قاۋىپسىزدىگىنە ايتارلىقتاي ينۆەستيتسيا سالعانىن مالىمدەدى.

- سوندىقتان مەن ا ق ش- تى تاريحي جاقىن وداقتاسىنا، سونداي-اق ساتىلمايتىنىن انىق ايتقان باسقا ەلگە جانە باسقا حالىققا قاۋىپ ءتوندىرۋدى توقتاتۋعا شاقىرامىن، - دەدى مەتتە فرەدەريكسەن.

دانيانىڭ ا ق ش- تاعى ەلشىسى دە X- تە جاۋاپ جاريالادى.

- ءبىز جاقىن وداقتاستارمىز جانە بىرلەسىپ جۇمىس ىستەۋدى جالعاستىرۋىمىز كەرەك. ا ق ش- تىڭ قاۋىپسىزدىگى گرەنلانديا مەن دانيانىڭ قاۋىپسىزدىگىمەن بىردەي. گرەنلانديا قازىردىڭ وزىندە ناتو- نىڭ قۇرامىنا كىرەدى، - دەپ جازدى يەسپەر مەللەر سەرەنسەن.

گرەنلانديادا مۇناي، گاز جانە سيرەك كەزدەسەتىن جەر ەلەمەنتتەرى سياقتى تابيعي رەسۋرستارعا باي. دانيا اۆتونوميالىق اۋماقتىڭ سىرتقى ساياساتى مەن قورعانىسىنا جاۋاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى