دالادا ۇزاق جۇرمەڭىز: وسكەمەندى ءتۇتىن باسىپ تۇرعانىنا ەرتەڭ التىنشى كۇن

قالادا 27 - ناۋرىزدان بەرى جەل سوقپاي تۇر. ەكىنشى دارەجەلى قولايسىز مەتەورولوگيالىق جاعدايدىڭ سالدارىنان (ق م ج) كوشەلەردى ءتۇتىن تۇمشالاپ العان.

«قازگيدرومەت» رمك مالىمەتىنە سۇيەنسەك، 31-ناۋرىز ساعات 20.00 دەن باستاپ 1 -ءساۋىر ساعات 20.00 گە دەيىن شاھار بويىنشا ق م ج ساقتالادى.

ايتا كەتەيىك، ماماندار وسىنداي كۇندەردە تۇرعىندارعا كەلەسى كەڭەستەردى قاپەردە ۇستاۋ قاجەتتىگىن ەسكەرتەدى:

- دالادا ۇزاق جۇرمەۋ؛

- پاتەردەگى تەرەزەلەر مەن جەلدەتكىشتەردى جابۋ؛

- قايناتىلعان، تازارتىلعان نەمەسە گازسىز مينەرالدى سۋ مەن ءشاي ءىشۋ؛

- اس سوداسىنىڭ ەرىتىندىسىمەن تاماقتى ءجيى شايۋ؛

- تاماق تانۋ راتسيونىنا قۇرامىندا پەكتينى بار ازىق- تۇلىكتەردى، مىسالى، پىسىرىلگەن قىزىلشا، قىزىلشانىڭ شىرىنى، الما، جەمىس كيسەلى، يتمۇرىننان، راۋاعاشتان جاسالعان دارۋمەندى سۋسىنداردى، شوپتەردىڭ قايناتپاسىن، تابيعي شىرىنداردى قوسۋ؛

- بالالاردىڭ تاماقتانۋ راتسيونىندا ءسۇت جانە ءسۇت ونىمدەرىن، ىرىمشىك، ەت تۇتىنۋدى كوبەيتۋ؛

- ۋىتتى زاتتاردى شىعارۋ جانە اعزانى تازارتۋ ءۇشىن تاگان- سوربەنت، ينديگەل، تاگانگەل، بەلسەندىرىلگەن كومىردى قولدانۋ؛

- بالالاردى بالاباقشالاردا سەرۋەنگە شىعارماۋعا، مەكتەپتەردە دالادا دەنە شىنىقتىرۋ ساباقتارىن وتكىزبەۋگە كەڭەس بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى