داعدارىس جانە مۇشكىل دەڭگەي ساناتىنداعى وتباسى سانىن ازايتۋ بويىنشا اكىمدەردىڭ رەيتينگىسى ازىرلەنەدى

- 2022 -جىلعى 1-قىركۇيەكتەن باستاپ سيفرلىق كارتا ارقىلى پرواكتيۆتى فورماتتا جاردەماقىلار مەن الەۋمەتتىك تولەمدەر تاعايىندالادى. 2024 -جىلدىڭ باسىنان بەرى 1,3 ميلليون ادامعا قىزمەت كورسەتۋ جونىندە SMS حابارلاما جىبەرىلدى. وعان جاۋاپ بەرگەن 561 مىڭ ادامعا قىزمەت پرواكتيۆتى تۇردە كورسەتىلدى. سونىمەن قاتار سيفرلىق كارتا مەملەكەتتىك ورگاندار مەن اكىمدەرگە ءوڭىردىڭ الەۋمەتتىك- ەكونوميكالىق دامۋ باعدارلامالارىن ازىرلەۋ كەزىندە تالداۋ جۇرگىزۋگە مۇمكىندىك بەرەدى، - دەدى ولجاس بەكتەنوۆ.

ۇكىمەت باسشىسىنىڭ اتاپ وتۋىنشە، سيفرلىق كارتا نەگىزىندە D جانە E ساناتتارىنداعى وتباسىلار سانىن ازايتۋ بويىنشا اكىمدەردىڭ رەيتينگىسى (كەدەيلىك، جۇمىسسىزدىق، حالىقتىڭ جاسىرىن جۇمىسپەن قامتىلۋى، وتباسىلاردىڭ الەۋمەتتىك ءال- اۋقاتى دەڭگەيى جانە ت. ب.) ازىرلەنىپ جاتىر.

- اتالعان رەيتينگكە مونيتورينگ جۇرگىزۋ ءۇشىن سيفرلىق كارتا دەرەكتەرىن جۇكتەۋ فۋنكتسيونالى ىسكە اسىرىلدى. D جانە ە ساناتىن تومەندەتۋ ءۇشىن اكىمدەرگە اقپاراتتىق جۇيەلەردە ادامداردىڭ دەرەكتەرىن (م ءا م س جۇيەسىمەن قامتۋ، بالالاردىڭ بالاباقشالار مەن مەكتەپكە تىركەلۋىنىڭ بولماۋى؛ NEET جاستار سانى جانە ت. ب. ) وزەكتەندىرۋ جۇمىسىن جۇرگىزۋگە مۇمكىندىك بەرەدى. وسىلايشا، مەملەكەتتىك ورگانداردىڭ اقپاراتتىق جۇيەلەرىندەگى مالىمەتتەردى وزەكتەندىرۋ بويىنشا جۇمىستار جالعاسۋدا، - دەدى پرەمەر-مينيستر.

ايتا كەتەيىك، وتباسىنىڭ (ادامنىڭ) الەۋمەتتىك سالاماتتىلىعىن ايقىنداۋ ادىستەمەسىنە سايكەس، سيفرلىق كارتا ەكونوميكالىق، الەۋمەتتىك جانە تۇرعىن ءۇي جاعدايلارى، دەنساۋلىق ساقتاۋ، ءبىلىم بەرۋ بويىنشا وتباسىنىڭ ءال-اۋقات دەڭگەيىن باعالايدى جانە وتباسىلاردى 5 سانات (ا - جاقسى دەڭگەي، B - قاناعاتتانارلىق دەڭگەي، C - تومەن دەڭگەيدە، D - داعدارىس دەڭگەي، E - مۇشكىل دەڭگەي) بويىنشا بولەدى.

بۇعان دەيىن اتاۋلى الەۋمەتتىك كومەككە ءوتىنىش بەرگەن ازاماتتاردان كىرىستەرى مەن شىعىستارىن تەكسەرۋگە كەلىسىمىنالۋ تەتىگى ەنگىزىلەتىندىگىن جازعان ەدىك.

اۆتور
مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى