د س م قىزىلشاعا قارسى ەكپە الماعان وقۋشىلاردىڭ ءبىر بولىگىن ونلاين وقىتۋدى ۇسىنىپ وتىر
دەنساۋلىق ساقتاۋ مينيسترلىگى قىزىلشا جۇقتىرعان ناۋقاستارمەن بايلانىستا بولعان ءارى قىزىلشاعا قارسى ەكپە الماعان وقۋشىلاردى قاشىقتان وقۋعا جىبەرۋدى ۇسىنىپ وتىر، دەپ حابارلايدى Kazinform.
«بۇگىنگى تاڭدا ءبىلىم مەكەمەلەرىنە بارىپ جۇرگەن بالالار اراسىندا قىزىلشا جۇقتىرۋ فاكتىلەرى تىركەلگەن. قازىرگى احۋال بويىنشا، رەسپۋبليكادا كارانتينگە جابىلعان مەكتەپ جوق. ءبىلىم ۇجىمدارىندا اۋرۋدىڭ تارالۋىن بولدىرماۋ ءۇشىن قىزىلشا جۇقتىرعانى دالەلدەنگەن ناۋقاستارمەن بايلانىستا بولعان، قىزىلشاعا قارسى ەكپە الماعان وقۋشىلاردى ونلاين وقۋعا جىبەرۋ ۇسىنىلادى»، - دەلىنگەن مينيسترلىكتىڭ رەداكتسيا ساۋالىنا جولداعان جاۋابىندا.
ۆەدومستۆو مالىمەتىنشە، الماتى قالاسىنداعى مەكتەپ باسشىلىعى قىزىلشانىڭ كوپ تىركەلۋىنە بايلانىستى ەكپە الماعان بالالاردى ونلاين وقۋعا جىبەرۋ جونىندە شەشىم قابىلداعان.
« قىزىلشامەن اۋىرعانداردىڭ %60 ەكپەدەن باس تارتقاندار. وسىعان بايلانىستى بالاسىنا ەكپە سالدىرۋدان باس تارتقان اتا- انالارمەن ءتۇسىندىرۋ جۇمىسى كۇشەيتىلدى. بۇگىنگى تاڭدا 9 مىڭداي بالا جوسپارلى الدىن الۋ ەكپەسىن الماعان. قازىر ولارمەن ۆاكسينانىڭ ماڭىزى تۋرالى ءتۇسىندىرۋ جۇمىسى جۇرگىزىلىپ جاتىر. وسى جۇمىستىڭ ارقاسىندا بيىل 3 مىڭنان استام بالا ەكپە الدى»، - دەپ جازىلعان جاۋاپتا.
اۆتور
ەسىمجان ناقتىباي
