د د س ۇ قىتايدان ەلدىڭ سولتۇستىگىندەگى بالالار پنيەۆمونياسىنا قاتىستى اقپاراتتاردى سۇراپ وتىر
دۇنيەجۇزىلىك دەنساۋلىق ساقتاۋ ۇيىمى، اقپارات بويىنشا قىتايدىڭ سولتۇستىگىندە تاراي باستاعان پنيەۆمونيانىڭ بەلگىسىز ءتۇرىنىڭ وشاقتارى تۋرالى قولدا بار مالىمەتتەردىڭ ءبارىن سۇرادى.
Kazinform بۇل تۋرالى BBC- گە سىلتەمە جاساپ حابارلايدى.
قىتايلىق مەملەكەتتىك ەمەس ب ا ق حابارلاۋىنشا، ەلدىڭ كەي اۋداندارىنداعى پەدياتريا اۋرۋحانالارى تولىپ قالعان.
قىتاي بيلىگى وسى ماۋسىمدا تۇماۋدىڭ كوبەيگەنىنە كوۆيدكە قارسى شارالاردى توقتاتۋ سەبەپ بولعانىن ايتتى.
د د س ۇ ينفەكسيانىڭ تاراپ كەتۋ قاۋپىن ازايتۋ ءۇشىن قىتايدى شارا قابىلداۋعا شاقىردى.
ۇيىم ب ا ق- تا تاراعان اقپارات تۋرالى كوبىرەك مالىمەت بەرىپ، اۋرۋدىڭ تارالۋىن باقىلايتىن ProMed حالىقارالىق جۇيەسىنىڭ دەرەكتەرىن ۇسىنۋدى سۇرادى.
د د س ۇ ساۋالىنان كەيىن شينحۋا مەملەكەتتىك اگەنتتىگى ماقالا جاريالاپ، وندا دەنساۋلىق ساقتاۋ بويىنشا ۇلتتىق كوميسسيا وكىلدەرى رەسپيراتورلىق اۋرۋلارى بار بالالاردى انىقتاۋعا جانە ەمدەۋگە ەرەكشە دەن قويىپ جاتقاندارىن مالىمدەدى.
جاقىندا عانا بولعان كوۆيد پاندەمياسىنان كەيىن قىتايدا ينفەكتسيا تارادى دەگەن اقپاراتتىڭ ءبارى ۇرەي تۋعىزۋى مۇمكىن. ءبىراق د د س ۇ ءۇشىن ەپيدەميولوگيالىق جاعداي تۋرالى مالىمەت سۇراۋ - قالىپتى جاعداي.
بەيجىڭ سۇراقتارعا تولىق جاۋاپ بەرمەيىنشە، پنيەۆمونيانىڭ نەلىكتەن تاراپ جاتقانىن انىقتاۋ مۇمكىن ەمەس.
د د س ۇ دەرەگى بويىنشا، قىتايدىڭ سولتۇستىگىندە بيىل قازان ايىنان بەرى تۇماۋعا ۇقساس اۋرۋ تۇرلەرى كەيىنگى ءۇش جىلدىڭ وسى كەزەڭىندەگى كورسەتكىشتەردەن اسىپ ءتۇستى.
شەنەۋنىكتەر وعان كوۆيدكە قارسى قاتاڭ شەكتەۋلەردى توقتاتۋ سەبەپ بولدى دەپ ەسەپتەيدى.
باسقا ەلدەردە، ونىڭ ىشىندە ۇلى بريتانيا مەن ا ق ش- تا دا كوۆيد شەكتەۋلەرى توقتاعاننان كەيىن بىردەن تۇماۋعا شالدىققاندار سانى ارتىپ كەتكەن.
- قىتايدا بالالار رەسپيراتورلىق ينفەكتسياسى تاراپ جاتقان ءتارىزدى، سەبەبى بۇل - ۇزاق لوكداۋننان كەيىنگى ءبىرىنشى قىس. ول رەسپيراتورلىق ينفەكتسيانىڭ تارالۋىن كۇرت ازايتىپ جىبەردى دە، ەندەميالىق ينفەكسياعا قارسى يممۋنيتەت تە السىرەدى»، - دەيدى لوندون ۋنيۆەرسيتەتتىك كوللەدجى گەنەتيكا ينستيتۋتىنىڭ پروفەسسورى فرانسۋا باللۋ.
