د د ۇ: ەۋروپادا قىزىلشامەن اۋىرعاندار سانى رەكوردتىق دەڭگەيگە جەتتى
استانا. KAZINFORM - جاڭا ەسەپ بويىنشا، وتكەن جىلى دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ايماقتىق بيۋروسىنا مۇشە ەلدەردە قىزىلشا اۋرۋىنىڭ 127 مىڭنان استام جاعدايى تىركەلگەن.
ءبىر الاڭداتارلىعى، بۇل 2023-جىلعى كورسەتكىشتەن ەكى ەسە كوپ جانە 1997-جىلدان بەرى تىركەلگەن ەڭ جوعارى كورسەتكىش.
دۇنيەجۇزىلىك دەنساۋلىق ساقتاۋ ۇيىمى مەن يۋنيسەفتىڭ وسىعان بايلانىستى تالداۋى بويىنشا ەۋروپا مەن ورتالىق ازيانىڭ 53 ەلى كىرەتىن ايماقتا قىزىلشا دياگنوزى قويىلعان ناۋقاستاردىڭ 40 پايىزدان استامى بەس جاسقا دەيىنگى بالالار.
بۇل ءوسىم كوروناۆيرۋستىق پاندەميا كەزىندە ۆاكسيناتسيامەن قامتۋدىڭ تومەندەۋىنە بايلانىستى.
ءبىراق ساراپشىلار ءالى دە ءبىرقاتار ەلدەردە ۆاكتسيناتسيانى قابىلداۋ پاندەمياعا دەيىنگى دەڭگەيگە ورالماعانىنا الاڭدايدى. بۇل ەپيدەميا ءقاۋپىن ارتتىرادى.
يۋنيسەف پەن د د ۇ قىزىلشا ىندەتى بەلسەندى دامىعان ەلدەردىڭ ۇكىمەتتەرىن شۇعىل تۇردە اۋرۋدى انىقتاۋعا جانە ۆاكسيناتسيالاۋ ناۋقانىن كۇشەيتۋگە شاقىردى.
ەسكە سالا كەتەيىك، ا ق ش- تىڭ د د ۇ- دان شىعۋى كەلەسى ىندەتپەن كۇرەستى قيىنداتادى.
د د ۇ- نىڭ مالىمدەۋىنشە، وتكەن جىلى الەمدە 8,5 ميلليون ادام تۋبەركۋلەزبەن اۋىرعان.
